Inicio Pontevedra 500 viveiristas participarán nun congreso internacional que terá lugar en Pontevedra os...

500 viveiristas participarán nun congreso internacional que terá lugar en Pontevedra os días 13 e 14 de maio

vivero empreasa PonteveraO Congreso Internacional de Viveirismo está organizado pola Fundación Incyde (Federación de Cámaras de Comercio de España) e a Deputación de Pontevedra. Terá lugar os días 13 e 14 de maio na sede de Afundación, en Pontevedra.

Segundo explicaron hoxe en rolda de prensa o presidente da Deputación, Rafael Louzán, e o presidente de Incyde, Javier Collazo, o congreso prestará especial atención e orientación cara ós sectores produtivos estratéxicos da provincia.

Organizado pola Deputación e a Fundación Incyde, desenvolverá accións orientadas a xestores e viveiros de empresas sobre organización, xestión, financiamento e políticas de emprendemento

No congreso desenvolveranse as seguintes accións: xornadas e grupos de traballo orientados a xestores de viveiros de empresas sobre organización, xestión, financiamento e políticas de emprendemento; acceso ó financiamento para as empresas viveiristas; desenvolvemento de experiencias internacionais comparadas; xornadas de innovación e desenvolvemento tecnolóxico; e un networking activo (rede de contactos e oportunidades de negocio entre os asistentes).

Os relatores serán destacadas personalidades coma Emilio Duró, que impartirá a charla inaugural, consultor, asesor e profesor de universidades nacionais e internacionais que participa en numerosos programas de televisión; José María Piñeiro Campos, director xeral de Fondos Comunitarios para España; Ignacio Rivera, conselleiro delegado da empresa cervexeira Hijos de Rivera (Estrella de Galicia, 1906, HR…); Kriengsak Chareonwongsak, profesor de Oxford e Harvard; Alberto Bosch, aventureiro, deportista e empresario que culminou a travesía integral da Antártida; e representantes para España de empresas tecnolóxicas coma France Telecom, Google, Orange Group, InnoBan ou Foro Capital Pymes.

Entre outros actos e relatorios haberá unha mesa redonda, “Grandes ideas para grandes xestores”, moderada pola delegada da Zona Franca de Vigo, Teresa Pedrosa, así como relatorios de Joaquín Dossil, de Libredon; Oscar Galante, do Instituto Nacional de Tecnoloxía Industrial (INTI); e Luis Alberto Buffoni, de Advenio Software. A lección final será a cargo de Alberto Bosch.

Entre os obxectivos do congreso figura conseguir un clima de innovación, crecemento e competencia nas empresas incubadoras. Por iso todas as accións previstas teñen como obxectivo contribuír á consecución das directrices fixadas pola UE, de modernización das micropemes, xerando interacción entre elas, realizando un networking activo e capacitándoas nas novas tecnoloxías.

Durante o congreso os viveiristas poderán coñecer novos modelos de excelencia na xestión de viveiros, da man de países líderes en emprendemento e xestión de incubadoras, de forma que poidan ser trasladadas ós espazos propios. Os viveiristas poderán recibir asesoramento de institucións e empresas líderes en materia de emprendemento e incubación, e coñecer novas oportunidades de negocio.

- Publicidade -

ÚLTIMA REVISTA

+ VISTOS

SÍGUENOS

680FansGóstame
289SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies