Este mes de xullo regresa ás rías galegas o Conde de Gondomar, unha das regatas máis emblemáticas do panorama náutico español, que este ano cumpre o seu cuadraxésimo terceira edición, patrocinada un ano máis por Banco Sabadell.
Ábrese o prazo de inscrición para unha das regatas máis emblemáticas do panorama náutico español que celebra este mes de xullo o seu cuadraxésimo terceira edición
A histórica competición, disputada sen interrupción desde a súa creación en 1976, volverá ser un ano máis Campionato de España de Altura de Cruceiros, ao incluír a mítica subida ao Carrumeiro Chico, na ría de Corcubión, de case 100 millas de percorrido.
A cita organizada un ano máis polo Monte Real Club de Yates co patrocinio de Banco Sabadell disputarase os días 21, 22 e 25 de xullo
O Monte Real Club de Yates, que presentará oficialmente o trofeo o próximo 17 de xullo, acaba de anunciar as datas para a súa celebración, que serán este ano os días 21, 22 e 25 de xullo, e de abrir o prazo de inscrición para todos aqueles que queiran participar.
Ademais da gran regata ao Carrumeiro Chico, o programa da competición incluirá varios trazados costeiros e probas barlovento-sotavento no fondeadero das Illas Cíes.
