Inicio Pontevedra Baixo Miño Vila Nova de Cerveira elixido “Municipio do Ano-Norte 2017”, polo seu traballo...

Vila Nova de Cerveira elixido “Municipio do Ano-Norte 2017”, polo seu traballo cooperativo con Tomiño

vila-nova-cerveira-elixido-municipio-do-ano-norte-2017-polo-seu-traballo-cooperativo-tominoVila Nova de Cerveira elixido o Municipio do Ano – Norte 2017 (categoría con menos de 20 mil habitantes). Ao galardón postuláronse 116 demandantes, resultando preseleccionados 34, e o proxecto “Agenda de Cooperação Transfronteiriça Amizade Cerveira-Tomiño”, foi distinguido con este recoñecemento sen precedentes, xunto a outros tres concellos.

Un recoñecemento a Cerveira e a Tomiño polo traballo desenvolvido en conxunto en prol do concepto de “desfronteirización”, constituíndose deste xeito como unha referencia na cooperación transfronteiriza Portugal/España.

O presidente da Cámara Municipal de Vila Nova de Cerveira, Fernando Nogueira, expresou a súa satisfacción, dando as grazas “a todos que concretizam esta amizade entre dois países e um destino”.

Na mesma liña, manifestouse a alcaldesa de Tomiño, Sandra González, trasladándolle os parabéns ao seu homólogo cerveirense.

O proxecto de cooperación transfronteiriza foi presentado por Cerveira ao concurso “Municipios do Ano Portugal 2017”, sendo nomeado na categoría “Norte-Menos de 20 mil habitantes”.

Dinamizado pola Universidade do Miño, a través da súa plataforma UN-Cidades, o certame vén a recoñecer as boas prácticas dos municipios portugueses, a través dun proxecto que producise impacto positivo ao nivel do territorio, economía ou sociedade, a partir do 1 de xaneiro de 2015.

Pola forte relación transfronteiriza existente e, consecuente, que repercute na mellora da calidade de vida e da cohesión social das poboacións, Cerveira presentouse a candidatura, dando a coñecer unha dinámica de desenvolvemento sustentábel do territorio sen fronteiras, baseado na explotación conxunta das potencialidades dos recursos comúns, como o río Miño; na preservación e promoción dos seus valores naturais, culturais e etnográficos, e na repartición e optimización dos equipamentos e servizos públicos de utilización colectiva”.

Na fase de selección, o presente proxecto foi ben acollido, sendo nomeado un dos catro municipios da categoría “Norte – Menos de 20.000 habitantes”.

 

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies