Zona Franca mostra á Secretaria de Estado de I+D+I a capacidade innovadora da industria viguesa. Ángeles Heras afirma que o coñecemento e a innovación son as claves para o benestar social do pais.
Ángeles Heras aproveitou a presenza ante os medios de comunicación para enviar unha mensaxe aos centros tecnolóxicos e ás pemes innovadoras galegas animándoas a presentarse á convocatoria aberta ata o 15 de xullo polo CDTI baixo o Programa Cervera de transferencia de coñecemento entre centros tecnolóxicos e Pemes innovadoras
Despois dunha comida de traballo á que asistiron a Presidenta da Deputación, o Delegado de Zona Franca, o Alcalde e o Reitor, pola tarde a visita continuou na Autoridade Portuaria de Vigo, onde presentaron á Secretaria a iniciativa Blue Growth Atlantic Vigo, un dos sectores –o da denominada economía azul- considerado como de maior desenvolvemento económico nacional e internacional para os próximos anos. Posteriormente, a Secretaria de Estado terminou a súa visita a Vigo coñecendo a aceleradora da empresa Kaleido Logistics Tech Accelerator o primeiro programa de aceleración de startups do sector loxístico impulsado para conectar a importantes empresas do sector loxístico coas mellores e máis disruptivas startups de todo o mundo.
