No Centro Neural de Gondomar inaugurouse o obradoiro de emprego Valmiemprega, que nesta tercera edición formará a 20 desempregados do Val Miñor en ‘deseño gráfico e promoción turística local’
Hoxe os 20 alumnos e alumnas que este venres inician a súa formación no Valmiemprega, recibiron a visita do Delegado da Xunta na provincia de Pontevedra, Ignacio López Chaves e de os alcaldes dos tres concellos, Francisco Ferreira de Gondomar, Juan González de Nigran e Angel Rodal de Baiona, os cales coincidiron en animar ao alumnado a “aproveitar a oportunidade de formarse e acceder a un traballo”
Este obradoiro de emprego está promovido pola Consellería de Economía, Emprego e Industria en colaboración cos concellos mancomunados do Val Miñor.
López-Chaves animou ao alumnado destes talleres a “aproveitar ao máximo a oportunidade que se lles brinda e formarse para acceder a un posto de traballo” e especial fincapé fixo no esforzo inversor do Goberno galego a prol do fomento do emprego, destacando os 135 millóns de investimento en medidas centradas na orientación e na cualificación para favorecer o acceso dos galegos e galegas ao mercado laboral. “O obxetivo do Goberno autonómico é rebaixar a taxa de desempleo por debaixo do 10%” destacou López Chaves
Gondomar, Baiona, Nigrán, benefícianse destes programas, que contan cun período de formación de nove meses e un contrato laboral posterior de alomenos 3 meses
Respecto ao Valmiemprega, a Administración autonómica destina a este taller, no que se formarán 20 desempregados en promoción turística local e información ao visitante e deseño gráfico e multimedia, preto de 290.000 euros. Entre as propostas, figuran o deseño gráfico para a comunicación da comarca e o desenvolvemento do potencial turístico do Val Miñor.
Novidades dos obradoiros duais
Ata o de agora, os obradoiros de emprego ofrecían ás persoas sen traballo cualificación e un contrato de aprendizaxe durante 9 meses. Agora, ademais, a Xunta apoiará a contratación, como mínimo de 3 meses e a xornada completa, nunha empresa, onde os alumnos e alumnas do obradoiro poderán realizar as súas prácticas. A actuación do Goberno galego combina, polo tanto, a formación co desenvolvemento dun traballo efectivo, xa que as persoas beneficiarias disporán dun contrato de traballo e percibirán un salario durante a súa participación nesta actividade.
Outra das novidades desta convocatoria de axudas é que puideron concorrer ás mesmas non só os concellos (entre os que se deu prioridade aos concellos emprendedores como Redondela e Mos no caso da área de Vigo), asociacións de entidades locais e mancomunidades, senón tamén entidades sen ánimo de lucro do sector forestal constituídas e rexistradas como asociacións. Así mesmo, a través da participación neste programa, os alumnos e alumnas seguirán recibindo, ao remate da formación, un certificado de profesionalidade con validez en todo o Estado.
