O Plan Estatal de Residuos debería ter en conta “a referencia a sistemas de recollida e reciclado con viabilidade, eficiencia económica e que o incremento da responsabilidade -dos produtores- vaia asociado a un incremento das cantidades” segundo o director xeral de Ecoembes, Óscar Martín.
Tras a recente aprobación polo Consello de Ministros, do Plan Estratéxico Marco de Residuos (PEMAR), España espera alcanzar os obxectivos que marca a Unión Europea e reducir os residuos que acaban nos vertedoiros sen o seu correspondente aproveitamento lembra Ecoembes nun comunicado no que mostra as súas satisfacción polo recoñecemento aos resultados logrados en materia de reciclaxe de envases.
Óscar Martín: Mostramos a nosa satisfacción polo recoñecemento que o Plan Estratéxico Marco de Residuos realiza aos resultados alcanzados pola reciclaxe de envases no noso país, xa que o sitúa como o principal alicerce no que se apoia a xestión de residuos municipais en España e que é froito da colaboración público-privada.
O plan, elaborado polo Ministerio de Agricultura, Alimentación e Medio Ambiente, recoñece “a necesidade de dar un paso adiante para superar o 30% de reciclaxe actual e alcanzar o 50% de reciclaxe de residuos municipais que nos marca Europa para 2020”, segundo Martín.
Para iso consideran prioritario “impulsar a reciclaxe de biorresiduos”, xa que “só así España conseguirá alcanzar os obxectivos que marca a UE” e reducir a gran cantidade destes materiais “que acaban actualmente nos vertedoiros“.
Ecoembes, a través do seu comunicado, apoia a formulación que realiza o PEMAR sobre a análise e desenvolvemento de instrumentos económicos que incentiven aos españois para contribuír coa reciclaxe, así como a proposta de mellorar a fiabilidade das estatísticas de xeración e xestión de residuos.
O documento aposta pola reciclaxe procedente da recollida selectiva e a sensibilización cidadá “como factores determinantes para o aumento da cantidade e a calidade dos residuos reciclados”.
EFEverde
