Inicio Alto Minho Un paso máis para a Cooperación Transfronteiriza Cerveira-­‐Tomiño 2014-­‐2020

Un paso máis para a Cooperación Transfronteiriza Cerveira-­‐Tomiño 2014-­‐2020

un-paso-mais-para-a-cooperacion-transfronteiriza-cerveira-­‐tomino-2014-­‐2020

Unhas 40 entidades e asociacións dos concellos de Tomiño e Vila Nova de Cerveira  participaron, na primeira semana de xullo, no segundo período de encontros temáticos no ámbito da Axenda Estratéxica para a Cooperación Transfronteiriza Cerveira-Tomiño 2014-2020.

En total, foron identificados seis proxectos que van ser sometidos a votación no Orzamento Participativo Transfronteirizo, unha iniciativa transfronteiriza única, contemplada na Axenda Estratéxica de Cooperación Cerveira Tomiño

Con moita adhesión e participación activa, este ciclo de reunións transfronteirizas de grupos de traballo nas áreas de Cultura / Deporte, Educación e Acción Social desenvolveu un proceso de detección, delineación e definición de iniciativas comúns que contribúan á  des-fronteirización  efectiva  mediante o incremento da cooperación entre institucións  e sociedade civil de ambas nacións.

Das propostas de proxectos xa sinalizados constan, na área de Cultura / Xuventude, a organización dun evento musical e dunha semana cultural transfronteiriza con implicación de axentes culturais locais;  o grupo de traballo de Educación recoñeceu a necesidade de promover unha semana de intercambio da comunidade educativa transfronteiriza e o proxecto que se denominará provisionalmente Educación polo Deporte. Por último, na área social, a creación dun plan de accesibilidade para os grupos sociais desfavorecidos, así como a dinamización dunha rede compartida de asesoramento social son as propostas que finalmente resultaron escollidas.

Os tres grupos de traballo están compostos por entidades asociativas dos concellos de Tomiño e mais de Vilanova de Cerveira, que son representativas de cada unha das tres áreas mencionadas. Tamén participan técnicos municipais e mais concelleiros e concelleiras das áreas atinxidas. Os tres grupos reuníronse alternativamente en locais municipais de Tomiño e Cerveira  e teñen previsto volverse reunir para analizar os traballo de elaboración técnica dos anteproxectos para o vindeiro mes de setembro

Tras a presentación e cruce de puntos de vista converxentes nas reunións de maio, esta segunda rolda transcorrida en xullo permitiu a identificación concreta de seis proxectos que, nas próximas semanas, van ser traballados polo secretariado da Amizade Cerveira-Tomiño, de xeito que ata o final do mes de setembro transcorra unha última reunión para validación definitiva. O obxectivo é que en outubro poidan ser sometidos ao I Orzamento Participativo Transfronteirizo Cerveira-Tomiño.

Destacar que o Orzamento Participativo Transfronteirizo Cerveira-Tomiño, cun importe global de 20 mil euros, será repartido a partes iguais polos dous concellos, nas tres áreas de intervención prioritarias. Pola dinámica participativa subxacente, o obxectivo é desafiar e auscultar as poboacións de ambas as marxes a reflexionar sobre proxectos comúns que lles gustaría ver concretados.

A Axenda estratéxica de Cooperación Transfronteiriza foi aprobada hai dous anos, tras un proceso participativo que envolveu entidades de ambos concellos: o seu desenvolvemento e mais as accións contidas na mesma , como é o Orzamento Participativo Transfronteirizo, foron presentadas como candidatura conxunta de Tomiño e Cerveira para o se co-finaciamento polo Programa de Cooperación  Transfronteirizo De España e Portugal INTERREG VA.

)*) Na imaxe unha das xuntanzas dos grupos de traballo

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies