spot_img
InicioGaliciaUn monumento homenaxeará aos galegos que traballaron na construción do canle de...

Un monumento homenaxeará aos galegos que traballaron na construción do canle de Panamá

Emigración apoia á Fundación Nosa Terra no proxecto de instalación dun monumento dedicado aos galegos que traballaron na construción do canle de PanamáEmigración apoia á Fundación Nosa Terra no proxecto de instalación dun monumento dedicado aos galegos que traballaron na construción do canle de Panamá

O secretario xeral da Emigración, Antonio Rodríguez Miranda mantivo nas últimas horas unha reunión cos membros da Fundación Nosa Terra de Panamá aos que se apoia no impulso do proxecto de instalación dun monumento dedicado aos máis de 8.000 galegos que traballaron na construción do canle que une o Atlántico co Pacífico.

Na videoconferencia estiveron presentes o presidente da asociación, Ricardo Gago, o tesoureiro, Daniel Pichel, así como Juan Carlos Barreiro, Manuel Pico e Francisco Sieiro.

Tal e como lle trasladaron ao secretario xeral, a Fundación Nosa Terra naceu co propósito de renderlle un homenaxe a todos os galegos que participaron na construción do Canle de Panamá no ano 1904, xa que, ademais, moitos deles prolongaron a súa estancia naquel país e incluso se asentaron e fundaron unha familia.

“Para a Xunta de Galicia sería unha cuestión de xustiza poder levar a cabo a instalación deste memorial a todos eses galegos que formaron parte dunha obra de enxeñería tan esencial para o desenvolvemento económico da humanidade”, explicou Antonio Rodríguez Miranda.

A idea da construción dun monumento xurdiu o ano pasado, en plena pandemia, para o que esta Fundación comezou a recoller datos sobre a obra destes máis de 8.000 galegos, “dos cales destacaban os responsables da obra a súa gran capacidade de traballo e a súa excelente calidade. De feito segundo destacou por escrito o enxeñeiro xefe da obra, Frank Stevens, cada galego valía por tres dos seus compañeiros. É unha honra para nós que sexan recordados dun xeito tan destacado”.

Un monumento homenaxeará aos galegos que traballaron na construción do canle de Panamá
Os galegos se caracterízanse polo seu traballo e esforzo. Cortesía

Fundación Nosa Terra

A Fundación Nosa Terra busca tender pontes entre as xeracións de fillos e netos de galegos en Panamá para honrar o legado dos galegos que traballaron nas obras da Canle. A Fundación nace co propósito de renderlle unha homenaxe aos 8 mil galegos que participaron na construción da Canle de Panamá no ano 1904, un fito que posteriormente iniciaría a prolongación da presenza galega no territorio nacional durante as próximas décadas.

- Publicidade -spot_img