·Publicidade ·spot_img
InicioVigo e áreaVigoUn 80% das startups aceleradas en ViaGalicia seguen en activo e crearon...

Un 80% das startups aceleradas en ViaGalicia seguen en activo e crearon 400 empregos

Un 80% das startups aceleradas en ViaGalicia seguen en activo e crearon 400 empregosA aceleradora de Zona Franca pecha Fase de Aceleración cos 10 proxectos que participan na sexta edición, marcada polo covid

ViaGalicia, a aceleradora de Zona Franca, concluíu hoxe a Fase de Aceleración para os 10 proxectos que participaron na sexta edición. O éxito da participación nesta aceleradora demóstrase cos datos acumulados desde a súa primeira edición: analizáronse 1.268 ideas de negocio, axudando na definición do modelo a un total de 193 proxectos e acelerado a 79 startups, das que un 80% segue traballando a día de hoxe xerado máis de 400 novos empregos.

ViaGalicia contribuíu a poñer a Galicia no mapa do emprendemento de España cunha importante dotación; un orzamento anual de 2,5 millóns de euros e, ata a data, un acumulado de 10 millóns de euros de financiamento directo aos proxectos.

Aínda que o apoio financeiro que reciben as startups, de 125.000 euros, é un dos puntos fortes, os promotores dos proxectos valoran máis a calidade da formación e a aprendizaxe para mellorar os modelos de negocio, cun programa “feito a medida”.

Precisamente desde a aceleradora ensínase a estar en permanente “ reinvención”, algo que os dez proxectos que completaron a Fase de Aceleración souberon aplicar nun ano marcado polo covid.

O delegado do Estado no Consorcio da Zona Franca, David Regades, explicou que “as startups, polo seu tamaño, son moito máis flexibles e cústalles menos o cambio, adáptanse máis rapidamente aos cambios da contorna”. De feito, “esta foi unha das razóns polas que, a pesar das dificultades, as startups desta sexta edición de ViaGalicia souberon reaccionar e modificar os seus modelos de negocio no novo escenario”.

O programa, en colaboración coa Xunta, conta cunha subvención directa de GAIN e financiamento a través de Vigo Activo e XesGalicia.

Os proxectos acelerados: Alice Biometrics que desenvolve unha ferramenta de recoñecemento facial que permite a verificación de identidade segura; Anduriña 25 é a primeira aeronave non tripulada de á fixa, con gran autonomía e capacidade de despegamento e aterraxe vertical Envita é unha plataforma dixital que permite recompilar a historia de vida, fotos e actividades de persoas maiores; Frankie é unha empresa pioneira en elaborar plans nutricionais para cans con alimentos naturais e entrega a domicilio; Innogando desenvolve un sistema de algoritmos para coñecer en tempo real diferentes parámetros dos animais que dan información sobre o seu estado de saúde en explotacións gandeiras; Mami consénteme comercializa colares de lactación e o chupetero- mordedor elaborados con silicona antibacteriana; Sangría Republic moderniza un clásico das bebidas españolas con tres novos sabores (laranxa e canela; yuzu, flor de Xamaica e vainilla; e pomelo, quinina e enebro); Tappear, unha aplicación para atopar os mellores sitios de tapas; The Painter’ s wife marca de roupa e accesorios de calidade premium para mascotas e finalmente Versos da Ruda, única empresa en España en ofrecer un servizo de repostería caseira fresca en racións individuais (mono-dose) para hostalería e eventos.
- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies