En concreto Tui solicitou a contratación de 5 peóns varredores, 5 peóns de obras públicas, 3 albaneis oficiais de segunda, 1 carpinteiro oficial de segunda, 1 condutor de camión oficial de segunda, 1 soldador oficial de segunda e 6 auxiliares administrativos. A Oficina de Emprego de Tui será a encargada de realizar a sondaxe de candidatos entre os inscritos na mesma. Os contratos serán de 35 horas semanais e rematarán o 31 de decembro deste ano.