Entre as novidades desta 3ª gala, houbo premios sobre os valores do deporte, o afán de superación deportiva, e o galardón “unha vida adicada o deporte”.
A alcaldesa de Tomiño, Sandra González, acompañada polo concelleiro de Deportes, Ismael Troncoso, salientou a gran calidade dos deportistas locais, animándolles a seguir na mesma liña de esforzo e superación.
O pasado sábado, 25 de marzo, Tomiño celebrou a súa III Gala do Deporte. No acto, que tivo lugar no Auditorio de Goián, fíxose entrega de diferentes premios aos deportistas destacados durante o último ano. Coma nas edicións anteriores, o encargado de presentar a gala, foi Terio Carrera, nesta oportunidade, acompañado polo actor “Pepo os Suevos”.
Entre as novidades desta 3ª gala, figuraba un premio relacionado cos valores do deporte, o afán de superación deportiva, e o galardón “Unha vida adicada o deporte”.
Os gañadores foron:
*Mellor deportista masculino : Rubén Millán (Piragüismo).
*Mellor deportista feminina: Iría Rodríguez (triatleta).
*Mellor evento deportivo: Campionato galego integrador organizado pola Asociación SEN AMARRAS.
*Mellor adestrador: Jacobo Vázquez.
*Mellor promesa masculina: Hugo Domínguez.
*Mellor promesa feminina: Alba Soutelo.
*Mellor club base: Club Deportivo Miño “Os Teixugos”.
*Mellor equipo de fútbol: Tebra FC.
*Mellor entidade colaboradora co deporte: Protección Civil de Tomiño.
As mencións especiais foron para:
Tomiño FC por ascender a segunda rexional.
Tomiño base, campións categoría xuvenil.
Adrián Vaz (Karts).
Premio unha vida adicada ao deporte foi para:
Iria Leiros (Kung fu).
Diego Silva do Choco FC.