Inicio Pontevedra Soutomaior celebra o seu I Festival de Cultura Urbana

Soutomaior celebra o seu I Festival de Cultura Urbana

Soutomaior-celebra-seu-I-Festival-Cultura-Urbana
Os afeccionados ao BMX, skate ou hip-hop, teñen unha cita ineludible o vindeiro sábado 19 co I Festival de Cultura Urbana organizado polo Concello de Soutomaior. Un certame de nova creación que encherá o Peirao de Arcade de música, actividades e demostracións deportivas para os máis novos.

Trátase dunha iniciativa que xorde de varios grupos xuvenís locais afeccionados á música e á práctica deportiva de BMX que están interesados en promover actividades e afeccións entre os máis novos do municipio para dar a coñecer as características da cultura urbana moderna.

A finalidade desta proposta é a promoción da cultura urbana da mocidade do Concello de Soutomaior como un fenómeno de identidade contemporánea que transciende á música para situarse noutros campos, como a arte, os novos códigos lingüísticos, a moda e outras formas deportivas, permitindo unha reinterpretación do lecer que caracteriza a unha boa parte da mocidade.

O festival ofrecerá aos máis novos varias exhibicións deportivas, música e diversas actividades dentro dun programa multidisciplinar que virará ao redor da cultura urbana e as súas diferentes manifestacións na arte contemporánea. A actividade comezará pola tarde coas primeiras demostracións na contorna da pista de patinaxe, que centrará a actividade deportiva grazas aos novos elementos instalados. Ao redor das 21:00 horas a actividade trasladarase ao Multiusos de Arcade onde o grupo ?Coverclap? fará as delicias de todos os asistentes. A entrada é totalmente gratuíta.

Desde a Concellería de Xuventude esperan que o festival sexa todo un éxito de asistencia para agradecer así o traballo realizado por estes mozos, xa que eles son os promotores destas iniciativas tan creativas e que reforzan a identidade local de todos os veciños do Concello de Soutomaior.

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies