Inicio Galicia Sesión académica solemne de conmemoración do centenario da Escola Veterinaria de Galicia

Sesión académica solemne de conmemoración do centenario da Escola Veterinaria de Galicia

Sesión-académica-solemne-conmemoración-centenario-Escola-Veterinaria-Galicia

O conselleiro de Cultura, Educación e Ordenación Universitaria, Román Rodríguez, participou esta tarde na sesión académica solemne de conmemoración do centenario da Escola Veterinaria de Galicia, acto no que salientou o avance da Veterinaria nos últimos 30 anos desde a creación da súa Facultade na cidade de Lugo, o único centro do campus lucense que conta con homologación europea, o que aumenta o seu prestixio fóra de Galicia e a converte no centro universitario con maior porcentaxe de alumnado procedente de fóra da nosa comunidade.

Román Rodríguez salienta o avance da veterinaria en Galicia ao abeiro da facultade de Lugo e do investimento de máis de catro millóns no Cebiovet

Neste sentido destacou o compromiso da Xunta con esta Facultade, a través do maior investimento de toda a lexislatura en materia universitaria, máis de 4 millóns de euros, para a construción do no Centro de Investigación en Biomedicina e Veterinaria (CEBIOVET). Así mesmo, lembrou a próxima sinatura do convenio de colaboración coa USC para a posta en marcha do plan de actuación do Campus Terra, ao que se destinan 1,3 millóns de euros. Unha forte aposta da Consellería de Cultura e Educación que converte á Facultade e ao campus de Lugo nun polo de desenvolvemento e innovación neste eido, fundamental para Galicia.

O acto, organizado pola Academia de Ciencias Veterinarias de Galicia, conmemora o centenario do Pazo do Hórreo, construído a comezos do século XX para albergar a Escola de Veterinaria con anexos destinados a estación pecuaria e granxa agrícola de experimentación. A sesión celebrouse no Edificio San Clemente (actual IES Rosalía de Castro), no que se instalaron os primeiros locais da escola ata a inauguración do Pazo do Hórreo en 1915.

Ademais do conselleiro, participaron na conmemoración o presidente da Academia, José Luís Factor; o secretario xeral da Academia de Ciencias Veterinarias de Castela e León, Francisco Antonio Rojo Vázquez; o presidente do Consello Galego de Colexios Veterinarios, Xosé Uxío Rey e a presidenta do Colexio de Veterinarios de Lugo, Ana Mª López Pombo, entre outras autoridades. O acto completouse cunha charla de Alberto Portela sobre o edificio do Hórreo, outra de José Manuel Martínez arredor da cultura gastronómica e coa proxección de películas de Fernando Camarero sobre a gandería galega.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies