O Concello de Nigrán organiza este sábado un roteiro micolóxico polo futuro Parque Forestal ‘Os Matos-Río Táboas’.
O Concello de Nigrán organiza este sábado 24 de novembro un roteiro micolóxico polo futuro parque forestal Os Matos-Río Táboas (parroquias de Camos e Chandebrito). A saída será ás 11:00 horas dende a Igrexa de Camos (onda o cemiterio) e terá unha duración aproximada de dúas horas (dependendo da climatoloxía).
A actividade, guiada por un educador ambiental, constará do citado roteiro cunha análise dos montes queimados, busca e identificación de cogumelos, consellos para a súa recollida e información sobre a súa importancia para os ecosistemas.
Os participantes deben levar calzado e roupa axeitados. Ao día seguinte o Concello de Nigrán desenvolverá un obradoiro de cultivo de cogumelos para o que xa están cubertas tódalas prazas.
