Inicio Pontevedra Redondela rende homenaxe a Valle-Inclán no seu 150 aniversario

Redondela rende homenaxe a Valle-Inclán no seu 150 aniversario

redondela-rende-homenaxe-a-valle-inclan-no-seu-150-aniversario

A Concellería de Cultura e as Bibliotecas Municipais de Redondela renderon homenaxe, este venres, 28 de outubro,  ao escritor vilanovés D. Ramón María del Valle-Inclán, de quen toma o nome a Biblioteca Pública do municipio, no 150 aniversario do seu nacemento.

A concelleira de Cultura, Teresa París Blanco, e o persoal das bibliotecas redondelás, depositaron unha ofrenda floral aos pés do busto do insigne autor que preside a praza Figueroa.

Como unha forma de achegar a todos a figura do autor vilanovés, na entrada do concello situouse unha pequena mostra bibliográfica de “Cuadrante”, a revista cultural da “Asociación de Amigos de Valle-Inclán”, que se podía  ollar e levar para casa como agasallo.

Pero esta,  non foi a única actividade realizada neste ano como conmemoración desta data. A visita dos membros do club de lectura infantil á Casa-Museo Valle-Inclán en Vilanova de Arousa e o obradoiro infantil “Os lentes de Valle”, que contou coa colaboración da Fundación Filomena Rivero Alonso, e no que un grupo de nenos agasallaron a Valle-Inclán cunhas lentes para a súa representación escultórica, completaron os actos de recoñecemento.

- Publicidade -

ÚLTIMA REVISTA

+ VISTOS

SÍGUENOS

680FansGóstame
282SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies