Inicio Vigo e área Redondela O proxecto "SmartPeme" preséntase en Redondela

O proxecto “SmartPeme” preséntase en Redondela

“SmartPeme” ofrece asesoramento en novas tecnoloxías ás persoas emprendedoras e autónomas e ás pequenas e medianas empresas da provincia

Este xoves 3 de novembro, a partir das 10:00 horas da mañá, a Deputación de Pontevedra presenta o proxectoSmartPeme”, substituto do antigo CPAE 2.0, entre o tecido empresarial de Redondela co obxectivo de enfatizar a implantación de novas formulacións en materia de estratexia dixital.

A Presidenta da Deputación, Carmela Silva, o Deputado provincial de Innovación e Promoción Económica, Javier Dios, e o alcalde de Redondela, Javier Bas, asistirán á xornada de presentación que terá lugar na Casa da Cultura de Redondela (Praza de José Figueroa, 3).

O período de inscricións nesta xornada continúa aberto e todas as persoas que queiran asistir poderán reservar a súa praza enchendo un formulario que poderán atopar a través dun banner no inicio da páxina web da Deputación de Pontevedra, www.depo.es, ou seguindo esta ligazón. A xornada presentará este programa da Deputación de orientación TIC a pemes e persoas emprendedoras da provincia, que substituíu ao anterior “CPAE 2.0”.

Lembramos que o proxecto “SmartPeme” é un novo modelo de servizo orientado á mellora competitiva das pemes e á procura dunha melloría nas vendas e na eficacia e eficiencia das tarefas, que abre novos campos de actuación e alcanza novos grupos de interese coma os e as emprendedoras, as asociacións empresariais e os axentes de dinamización en concellos. Todo iso empregando as tecnoloxías da información e da comunicación (TIC) e as novas tecnoloxías (redes sociais, comercio electrónico…).

Para isto, nas oficinas de “SmartPeme” no Porriño, Cambados, Pontevedra, Lalín, Ponteareas e Vigo se porán en marcha as seguintes actividades: itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores, identificación e difusión das necesidades TIC aos provedores de solucións para as pemes e, tamén, impulso de novas carteiras de servizos de asesoramento.

SmartPeme” consegue, ademais, que a colaboración cos concellos sexa máis estreita xa que o proxecto se oferta como un servizo propio dos municipios, para que sexan eles os que presten o asesoramento e impulsen ás empresas, persoas autónomas e emprendedoras. A institución provincial se converte deste xeito nun vehículo para que os concellos poidan converterse nos protagonistas, ofertando un servizo que responda ás necesidades das veciñas e veciños da provincia que se dediquen ao mundo empresarial ou queiran emprender.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies