Inicio Baixo Miño Record de participación na Regata Miño Internacional con máis de 350 remeiros...

Record de participación na Regata Miño Internacional con máis de 350 remeiros e remeiras

Record de participación na Regata Miño Internacional con máis de 350 remeiros e remeirasEste sábado celebróuse a corenta edición da Regata Miño Internacional rexistrando record de participación

A proba, organizada polo Club Remo do Miño coa colaboración do Concello de Tui, a Deputación de Pontevedra e a Xunta de Galicia e a Federación Galega de Remo, congregou a máis de 350 remeiros e remeiras pertencentes a 16 clubs de España e Portugal.

Presentación da proba

O Salón de Plenos do Concello de Tui, acolleu o día anterior a presentación da proba, na que Manuel Ángel González, presidente do Club Remo do Miño e que participou coma remeiro na primeira edición da regata, destacou “o gran éxito de participación que se rexistra nesta 2020, así coma o feito de que a presenza de remeiros e remeiras está case igualada”. Outro dos puntos destacados por Manuel Ángel González é a “presenza de catro deportistas olímpicos nesta competición”, aproveitando para lembrar que nas filas do Remo do Miño hai xa catro olímpicos, Jesús González, José Ignacio Bugarín, Jacobo Moroño e Jacobo Suárez, aos que se sumará Rodrigo Conde que estará en Tokio 2020.

350 deportistas, 16 clubs e 56 embarcacións

A XL Regata Miño Internacional contou cunha participación de record neste 2020 ao estar inscritos 16 clubs de España e Portugal con 350 deportistas en 56 barcos que competiron en 8 con temoeiro, 4 Scull e 8 con temoneiro veterano tanto nas categoría masculina coma feminina.

CLUBS INSCRITOS: Seis clubs galegos: o Remo do Miño e o Remo Tui, o Club Mar de Noia, o Club Remo Vigo, o Ría de Marín, e o San Felipe. Competirán nove clubs portugueses: Académica de Coimbra, ADCJC Cerveira Remo, Sporting Clube Caminhense, Clube Naval Infante Don Henrique, Real Clube Fluvial Portuense, Galitos de Aveiro, Ginásio de Figueira da Foz, Viana Remadores do Lima e Sport Club do Porto. Tamén participará o club Mixto Málaga-Sevilla.

A regata máis numerosa foi a do Catro Scull Masculino con 16 embarcacións, seguida do Catro Scull Feminino con 15 barcos. 13 barcos en competición en Oito con temoneiro masculino e 4 en feminino. Por último foran 8 as embarcacións que participaron no Oito Veterano Masculino.

Corenta anos de competición

A proba naceu hai corenta anos coma unha regata de participación aberta a calquera club da península. A primeira edición, que constaba de 16 quilómetros entre Goián e Tui, foi gañada polo Oito con Temoneiro do Remo do Miño adestrado por José Luís Méndez, cun tempo inferior a unha hora, que marcou récord nesta distancia que aínda non foi superado.

En 1981 e 1987 a organización recaía en anos alternos entre o Club Remo do Miño e o Caminhense, sendo o campo de regatas entre Goián e Tui, ou entre Carregal e Caminha.  Dende 1988 o Club Remo do Miño asume cada ano a organización desta consolidada regata que contou en 1990 coa participación das universidades de Cambrigde e Oxford, e en 2017 do equipo feminino do First and Third Trinity College Boat Club da Universidade de Cambrigde.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies