Inicio Baixo Miño Preto de 100 operarios comezan o luns a acondicionar o Camiño Portugués

Preto de 100 operarios comezan o luns a acondicionar o Camiño Portugués

Camino de Santiago, albergue de Redondela

 

Preto de 100 operarios comezarán este luns a traballar nas tarefas de limpeza e acondicionamento do Camiño Portugués a Santiago no tramo comprendido entre Tui e Pontecesures. Así o anunciou o este venres o Presidente da Deputación.

A estes traballos sumaranse outras actuacións máis complexas para mellorar a seguridade e facilitar o tránsito dos peregrinos.

Os traballadores recibiron hoxe o equipamento necesario para realizar un traballo que pretende que, nun prazo de seis meses, todo o percorrido do Camiño pola provincia de Pontevedra estea en perfectas condicións de limpeza.

Louzán destacou que se trata tan só dunha das partes do proxecto conxunto que a Deputación, os 12 concellos da ruta e a Xunta de Galicia están a levar a cabo para “a consolidación definitiva” dun Camiño que realizan milleiros de persoas cada ano.

Parte construtiva

A estes labores iniciais sumaranse posteriormente, tal e como o anunciou o presidente da Deputación, outras tarefas máis complexas orientadas a mellorar a seguridade nos cruzamentos e nos puntos máis conflitivos.

Tui contratará a 22 persoas ao abeiro do Plan de Concellos da Deputación Provincial

No detalle das obras necesarias está a traballar xa unha consultora e, unha vez entregado o proxecto, a Deputación licitará os traballos. As obras incluirían a construción dalgunha ponte de madeira en lugares de especial dificultade de tránsito nos meses de choiva, a aplicación de balastro ou o empedrado dalgúns puntos e a sinalización, entre outras.

Os traballos realizaranse nos concellos de Tui, O Porriño, Mos, Redondela, Soutomaior, Vilaboa, Pontevedra, Barro, Portas, Caldas de Reis, Valga e Pontecesures. Os operarios distribuiranse en función do número de quilómetros que haxa que cubrir en cada concello.

Delimitación

O presidente da Deputación indicou que todos os traballos se realizarán seguindo a delimitación do trazado na que traballa a Dirección Xeral de Patrimonio, co obxectivo de “respectar a ruta orixinal” e contribuír á súa consolidación.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies