Inicio Baixo Miño A Guarda Presentación na Guarda do Anteproxecto para a Senda de circunvalación ao Monte...

Presentación na Guarda do Anteproxecto para a Senda de circunvalación ao Monte Santa Trega

langosta-volverá--protagonista-indiscutible-Festa-Langosta-Cociña-Mariñeira-A-GuardaEste xoves día 27 de febreiro ás 19:30h o local da Entidade Local Menor de Camposancos acolle a presentación do Anteproxecto para a Senda de circunvalación ao Monte Santa Trega, un acto aberto a toda a cidadanía e que contará coa presenza do Alcalde da Guarda, Antonio Lomba, o Concelleiro de Infraestruturas e Mobilidade, Miguel Español, e o técnico responsable da empresa que redactou este anteproxecto.

A PO-352 é sen dúbida algunha unha das principais arterias de comunicación da Guarda, basta dicir que é a única conexión entre o casco urbano da Guarda e a Parroquia de Camposancos, tanto polo Oeste como polo Este, amén de subliñar que conduce a todas as praias fluviais da nosa vila.

Con estas referencias resulta fácil entender que o tráfico rodado que soporta, sobre todo en época estival, é moi considerable. Ao mesmo tempo, e  dado que  a paisaxe pola que discorre é moi fermosa, atrae a multitude de peóns que pasean por ela.

O referido anteproxecto contempla unha actuación na totalidade da PO-352 que non conta con beirarrúas, tanto polo lado oeste, Cruzada-Camposancos como no lado este Camposancos ata intersección PO-355(que conduce á Pasaxe) consistente en un ancheamento da calzada de rodadura, a construción dunha senda, para facela máis segura para os peóns e os vehículos.

- Publicidade -

ÚLTIMA REVISTA

- Publicidade -


+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies