Inicio O Condado O IES de Salvaterra de Miño acolle a mostra integradora da Deputación...

O IES de Salvaterra de Miño acolle a mostra integradora da Deputación “Sorrisos transformadores”

a-mostra-integradora-da-deputacion-de-pontevedra-sorrisos-transformadores-chega-a-gondomarA Deputación de Pontevedra e a asociación ARELAS promoven esta iniciativa na que lle dan visibilidade ao colectivo LGTBI amosando os diferentes obstáculos sociais aos que se enfrontan a diario as persoas trans

A Deputación de Pontevedra e a Asociación de Familias de Menores Trans de Galicia (ARELAS) exhiben no concello de Salvaterra de Miño a exposición “Sorrisos transformadores”, o proxecto fotográfico para a visibilización do colectivo LGTBI. A deputada de Centros Educativos, Noemí Outeda, visitará a mostra, que acollerá o 27 de febreiro unha charla de Cristina Palacios, presidenta de ARELAS. Palacios afondará sobre a situación do colectivo LGTBI, achegará a súa experiencia persoal e responderá ás dúbidas e cuestións que poidan xurdir. A cita terá lugar ás 11:30 horas no salón de actos do centro. Esta exposición poderá visitarse ata o próximo 2 de marzo e, unha vez finalice, trasladarase ao concello de Vigo.

Sorrisos transformadores” é unha mostra itinerante que xa percorreu varios concellos de Pontevedra e tamén algún que outro emprazamento fóra da provincia, coma Betanzos ou a Universidade de Santiago. A exposición consta de 10 fotografías de Noemí Chantada nas que aparecen retratadas persoas alegres e orgullosas, que amosan unha parcela da súa vida que lles gusta. Cada fotografía está acompañada por un texto que reflicte unha frase ou unha idea sobre a persoa protagonista ou sobre o seu contorno. Entre as e os retratados inclúense personalidades con relevancia social, sexan ou non transexuais, pero todas relacionadas coa realidade destas persoas  pola súa profesión e que as axudan á hora de transmitir a súa mensaxe, como son especialistas da educación, do dereito, da política ou da psicoloxía.

A finalidade de “Sorrisos transformadores” é a de, por unha banda, previr actitudes e comportamentos discriminatorios por razóns de orientación sexual ou identidade de xénero e, por outra, combater o acoso escolar por estes dous motivos, favorecendo a visibilidade do alumnado LGTBI e a plena normalización das orientacións sexuais e as identidades de xénero.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies