Inicio Val Miñor Gondomar Pazo de Barreiro en Vilaza (Gondomar)

Pazo de Barreiro en Vilaza (Gondomar)

O Pazo de Barreiro sitúase no lugar de Barreiro, na parroquia de Santa María de Vilaza, no concello de Gondomar (Pontevedra). emprázase nun outeiro de moderada pendente no tramo medio do val do Río Zamáns onde se abre ao Val Miñor.

Construído a finais do S. XVII ou principios do XVIII o edificio presenta muros encalados agás os recercamentos de ocos, pilastras de esquina e cornixamento, fachada posterior cara a solaina e escudos na fachada principal coas armas dos Arines, Troncoso, Ceta, Soutomaior, Acuña e outros. Xunto a entrada, está a capela construida en 1.751, con espadaña que alíñase co portalón que está formado por un muro liso con escudo e oco adintelado.Pazo de Barreiro en Vilaza (Gondomar)

É un edificio que orixinariamente tiña planta en forma de L, aínda que hoxe os moitos engadidos e reformas desvirtúan esta forma orixinal. Dentro do patio emprázase un gran patín, e na fachada sureste a solaina sobre soportais. Ademais o conxunto complétase co hórreo e varias construcións menores de servizo: alpendres, cortes, adegas, etc. Sobre este pazo estableceu un morgado D. Remigio Ramón de Arines, señor do Pazo de Pampillón.

Hoxe, fragmentada a propiedade, segue pertencendo aosdescendentes directos do fundador.Pazo de Barreiro en Vilaza (Gondomar)

 

O Val Miñor posúe numerosos pazos de gran valor histórico. Moitos se concentran na estrada que une Nigrán con Gondomar, a coñecida «ruta dos pazos», onde está situado o de Barreiros. Cando nos achegamos, comprendemos enseguida que este histórico Pazo tampouco está exento do perigo da acción humana

Este tipo de edificacións e a súa contorna, forman parte do noso patrimonio e sería bo que o coñecésemos xa que é responsabilidade de todos protexelo.

Referencias bibliográficas: PÁXINAS WEB

http://www.planeamentourbanistico.xunta.es/siotuga/documentos/urbanismo/GONDOMAR/documents/0788CA005.pdf (Páxina 15)

https://www.lavozdegalicia.es/noticia/vigo/2007/08/28/destrozan-parte-muralla-pazo-barreiros-gondomar/0003_6093431.htm

http://www.minhor.org/xeiras/calendario/872-xeira-do-iem-ao-pazo-de-barreiro-e-a-sua-contorna-na-parroquia-de-vilaza http://www.turgalicia.es/ficha-recurso?cod_rec=9433&ctre=36

http://www.farodevigo.es/comarcas/3096/ex-alcalde-baiones-quintas-derriba-muro-pazo-barreiro-permiso/159139.html

BIBLIOGRAFÍA Pérez Pérez, Carmen. “Un percorrido pola historia do Val Miñor”. Deputación de Pontevedra. 2012

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies