Inicio Pontevedra O Salnés Louzán e Nava Castro avogan polo "turismo experiencial e sostible" para atraer...

Louzán e Nava Castro avogan polo “turismo experiencial e sostible” para atraer visitantes a Galicia

O presidente da Deputación, Rafael Louzán, e a secretaria xeral de Turismo da Xunta de Galicia, Nava Castro, destacaron esta mañá os resultados positivos que están a dar as campañas de promoción turística das dúas administracións e a aposta por eventos que, coma a Volta Ciclista a España, están a atraer cada día máis visitantes a esta comunidade.

Durante unha visita ó centro BTT do Salnés –o primeiro que se puxo en marcha da rede de centros impulsado pola Xunta de Galicia– Louzán e Castro incidiron na necesidade de seguir apostando por iniciativas que contribúan a consolidar as Rías Baixas e Galicia como destino do “turismo experiencial” e “sostible”.

Nesta liña, Nava Castro lembrou que boa parte dos visitantes chegan a Galicia atraídos pola súa natureza e paisaxes, polo que “é fundamental” preservar os nosos recursos naturais e patrimoniais e seguir poñéndoos en valor de cara ó turismo.

Unha idea na que tamén coincidiu Rafael Louzán, que destacou o magnífico contorno do Salnés e as especiais condicións que reúne tanto para a práctica do ciclismo coma do sendeirismo.

O Centro BTT do Salnés forma parte desta aposta pola diversificación da oferta turística, aproveitando os propios recursos. O centro conta, en palabras de Rafael Louzán, “cunhas instalacións dignísimas” e atópase “funcionando a pleno rendemento”.

Nel, os amantes da BTT poden atopar múltiples servizos, que van desde información detallada das 10 rutas que ofrece, cun percorrido de máis de 100 quilómetros e de diferentes niveis de dificultade, ata servizos de alugueiro de bicicletas, vestiarios, duchas e zona de lavado de bicicletas.

As rutas pódense realizar desde o propio punto de acollida, desde o mosteiro da Armenteira ou desde a área recreativa de Santo Domingo de Nogueira, e están orientadas a todo tipo de ciclistas, desde os máis expertos ata os afeccionados menos habituados ó deporte do pedal. Así, catro das rutas son percorridos de dificultade alta; tres son traxectos de dificultade media, e outras tres fáciles.

27-08 visita centro BTT_Original.JPG

Durante a visita ás instalacións Louzán fixo fincapé na gran proxección que vai ter o contorno no que se sitúa o Centro BTT do Salnés, en Monte Castrove, ó ser neste punto onde rematará a décimo oitava etapa da Volta a España.

O titular da Deputación animou os veciños do contorno, pero tamén os da cidade de Pontevedra e doutros concellos próximos a achegarse ata este punto da xornada do 11 de setembro, por tratarse dun punto “onde van ter unha dobre oportunidade de ver pasar o pelotón ciclista”, pois pasará en dúas ocasións polo contorno do Campo de Golf.

Nestes momentos a Deputación traballa na adecuación da explanada que servirá de meta, onde se están a realizar traballos de ancheamento e pavimentación da zona.

Louzán lembrou que traballos similares se están a realizar noutros puntos do percorrido, nos que Deputación, Xunta e concellos colaboran para que “todo estea en perfectas condicións e poder ofrecer ó mundo a mellor imaxe das Rías Baixas”.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies