As bibliotecas municipais de Redondela promoven cada ano a elección do Libro do Ano entre os seus usuarios, tanto adultos coma infantís. Estes distinguen cos seus votos as súas obras predilectas entre as editadas o ano anterior. O misterio e o romance no caso dos adultos e o humor, o drama e a fantasía entre os máis novos, son os xéneros que se impuxeron este ano, ao mesmo tempo que, por segundo ano consecutivo, un cómic se fixo cun dos postos de honra.
Libros gañadores:
Adultos: “La mirada de los ángeles”, de Camilla Läckberg, na Biblioteca Municipal, e “El jardín a la luz de la luna” de Corina Bomann, na Axencia Municipal de Lectura de Chapela.
Infantil/Xuvenil: Na Axencia Municipal de Lectura de Chapela, a serie “Diario de Greg”, un clásico nas preferencias do público xuvenil que resultou gañador en diversas edicións do Libro do Ano, na Biblioteca Municipal, un empate entre o conto inspirado na curtametraxe gañadora dun Goya, “Cuerdas” e o cómic de fantasía heroica “Parvaterra” de Raúl Arnáiz que se ben naceu como un proxecto de animación acabou decantándose e triunfando como un espectacular cómic.
Entre todos os participantes na votación do Libro do Ano, realízase un sorteo dos títulos gañadores, resultando agraciados nesta edición:
Adultos: Xurxo Ojea Docampo e Rocio Gallego Domínguez
Infantil/Xuvenil: Iago García Araújo e David Villar Piñeiro
