Inicio Pontevedra Os Premios Provinciais á Xuventude 2019 tamén premiarán ao deseño e a...

Os Premios Provinciais á Xuventude 2019 tamén premiarán ao deseño e a moda

Os Premios Provinciais á Xuventude 2019 tamén premiarán ao deseño e a modaA edición deste 2019 dos Premios Provinciais á Xuventude amplía as súas categorías para galardoar ao deseño e a moda

A Deputación de Pontevedra publicará no Boletín Oficial da Provincia da vindeira semana as bases dunha nova edición dos Premios Provinciais á Xuventude, aos que se poden presentar mozas e mozos da provincia con idades comprendidas entre os 15 e 35 anos. “Falamos duns premios que teñen a capacidade de poñer en valor o talento e converter en accións as ideas innovadoras da mocidade”, destacou a presidenta Carmela Silva.

A presidenta da Deputación informou que con respecto ás anteriores edicións dos premios, este ano a novidade principal “é que incrementamos unha categoría ás xa existentes, engadindo a de “deseño e moda” e pasando así de 7 a 8 modalidades”. Esta novidade, segundo Silva, nace pola posición pioneira da provincia neste eido xa que “somos unha grande potencia en deseño e moda e queremos promover esta actividade económica para que poida seguir tendo moito futuro”.

Máis polo miúdo, as oito modalidades que compoñen a terceira edición dos Premios Provinciais á Xuventude son iniciativa social, empresarial, contido dixital, educación en valores, traballo musical, literario, fotografía orixinal e deseño e moda. “Cada unha destas modalidades terán premios en metálico para que a mocidade se dote de recursos para seguir impulsando os seus proxectos e ideas”, destacou a presidenta provincial.

Os III Premios Provincias á Xuventude están dirixidos a mozas e mozos de entre 15 e 35 anos. No caso da modalidade de educación en valores, está dirixida aos centros de educación secundaria da provincia de Pontevedra en cuxos proxectos participen alumnas e alumnos con idades comprendidas entre os 12 e 18 anos. En calquera caso, o prazo de presentación de solicitudes será de tres meses a partir da publicación da convocatoria dos premios.

A presidenta da Deputación recordou que o ano pasado presentáronse ata 70 candidaturas das cales 26 enmarcáronse en fotografía orixinal, 16 en traballo literario, 6 en musical, 4 na modalidade de educación en valores, 6 en blogs, 5 en iniciativa empresarial e outras 5 candidaturas para iniciativa social.  “Estes datos, que estou segura que este ano serán aínda mellores, poñen de manifesto que de talento e potencial na nosa provincia imos sobradas e sobrados”.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies