Inicio Pontevedra Baixo Miño Os grupos folclóricos de Tui saen a rúa para animar o Nadal

Os grupos folclóricos de Tui saen a rúa para animar o Nadal

os-grupos-folcloricos-de-tui-saen-a-rua-para-animar-o-nadal

O Concello organiza diferentes actividades dentro do marco de Animación de Rúa con actuacións ao longo destes días

A Concellería de Cultura pon en marcha unha intensa axenda de actividades para este Nadal. As actuacións de rúa comezarán este xoves, coincidindo coa celebración da Feira Solidaria de Nadal. O Grupo de gaitas O Mosteiro de Pexegueiro actuará a partir das 12:30 horas na Praza de San Fernando.

Esta mesma fin de semana, as actuacións folclóricas continuarán o sábado co grupo de pandereiteiras Asdabía de Caldelas e o grupo de gaitas Santa Columba de Ribadelouro ao longo de todo o día polas rúas do centro urbano. O domingo volverán as pandereitieras Asdabía de Caldelas e o grupo de gaitas xuntanza de Randufe.

Por último, o sábado 17 o grupo de gaitas Seixos Albos de Areas percorrerá as rúas da cidade a partir das 18:00 horas.

Ademais da animación na rúa que, xunto co alumeado de Nadal, busca fomentar o ocio na cidade e potenciar o comercio local, o xoves 15 de decembro, na Biblioteca Municipal, inaugurarase a exposición do concurso de postais de Nadal organizado pola Asociación de Párkinson do Baixo Miño en colaboración co Concello de Tui.

O concurso, no que participan tamén a Asociación de Enfermos de Alzheimer, Afaga, o centro de día Amoralia e a residencia Paz e Ben. A data límite para participar é o 14 de decembro.  A postal gañadora decidirase por votación popular e o premio consistirá nun lote de libros doados polo Concello de Tui.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies