Inicio Galicia Os catro piragüistas olímpicos galegos xa están en Galicia

Os catro piragüistas olímpicos galegos xa están en Galicia

os-catro-piraguistas-olimpicos-galegos-xa-estan-en-galicia

Ás 9:00 da mañá chegaban ao aeroporto de Lavacolla en Santiago de Compostela os catros piragüistas olímpicos galegos encabezados polo medalla de ouro Cristian Toro.

Teresa Portela, Rodrigo Germade, e Óscar Carreira chegaban a Santiago cun prestixioso e merecido diploma olímpico arroupando ao lucense que ensinaba radiante de felicidade o seu flamante presea.

Nada máis aterrar os catro padeeiros dirixíanse ao Pazo de Raxoi na praza de Obradoiro onde se ía a celebrar a recepción por parte do presidente da Xunta de Galicia, Alberto Núñez Feijoo aos 16 deportistas de todas as modalidades que representaron a Galicia nos xogos olímpicos de Río 2016.

No devandito acto Cristian Toro agradeceu o apoio recibido desde que chegou a España coa medalla. Dáballe paso ao titular da Xunta que dixo: “Cunha medalla de ouro e 7 diplomas, ensinades ao mundo que Galicia está en mellor forma que nunca. E sodes tamén un exemplo para seguir para todos os galegos, para seguir construíndo Galicia”.

Despois da foto de rigor con todos os asistentes, Toro atendeu aos medios aos que dixo: “Aínda non termino de asociar a miña imaxe ao que é un campión olímpico. Necesito estar uns días coa miña xente, volver ver a carreira un par de veces e as imaxes dos Xogos para situarme mellor, porque aínda non asimilei o que logramos”.

os-catro-piraguistas-olimpicos-galegos-xa-estan-en-galicia

Doutra banda, Teresa Portela declarou que de momento non pensa na súa retirada, xa que non ve que lle chegase o momento de deixar a práctica do deporte que tantos éxitos deulle. Acabando de aterrar o único que pensa é en collerse unhas merecidas vacacións nas que goce da súa familia, para logo ver os novos obxectivos que se marca na súa carreira deportiva. Portela facendo gala da súa humildade volveu a remmorar a carreira da final, na que lembrou que as deportistas que lle gañaron “fixérono porque son mellores e nada máis”.

Rodrigo Germade e Óscar Carreira do Club Náutico Betanzos quintos nestes xogos valoraron positivamente o posto alcanzado e xa pensan nun novo ciclo olímpico no que terán que adaptarse á nova distancia de K4 500 metros na que se competirá nos xogos de Tokio 2020.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies