Inicio Reportaxes Os Carnavais máis famosos do mundo e o Entroido en Galicia

Os Carnavais máis famosos do mundo e o Entroido en Galicia

concello-Soutomaior-abre-prazo-inscripción-programa-actividades-Entroido-2015O carnaval ou entroido (en Galicia dise das dúas maneiras), é unha celebración que ten lugar inmediatamente antes do inicio da coresma cristiá, que se inicia á súa vez co Mércores de Cinza, que ten data variable (entre febreiro e marzo segundo o ano).

O entroido combina algúns elementos como disfraces, desfiles, e festas na rúa. Por extensión chámanse así algunhas festas similares en calquera época do ano. A pesar das grandes diferenzas que a súa celebración presenta no mundo, a súa característica común é a de ser un período de permisividade e certo descontrol. Nos seus inicios, probablemente cun certo sentido do pudor propio da relixión, o Entroido era un desfile en que os participantes vestían disfraces e usaban máscaras. Con todo, o costume foi transformando a celebración ata a súa forma actual.

A orixe da súa celebración parece probable das festas pagás, como as que se realizaban en honra a Baco, o deus do viño, as saturnais e as lupercales romanas, ou as que se realizaban en honra do touro Apis en Exipto. Segundo algúns historiadores, as orixes desta festividade remóntanse ás antigas Sumeria e Exipto, hai máis de 5000 anos, con celebracións moi parecidas na época do Imperio romano, desde onde se expandiu o costume por Europa, sendo levado a América polos navegantes españois e portugueses a partir do século XV. Con todo, a festa do entroido tal e como a coñecemos hoxe en día só comezou a existir con total seguridade a partir de século VII, data na cal se teñen probas escritas da súa existencia.

O entroido, aínda que é necesario salientar que a Igrexa non o admite como celebración de ton relixioso, está asociado cos países de tradición católica, e en menor medida cos cristiáns ortodoxos orientais; as culturas protestantes teñen tradicións modificadas, como o entroido danés.

Unha vez ao ano, e sen que sirva de precedente, ou quizá si, desfiles, festas e disfraces embriagan as cidades máis carnavaleras do mundo, algunhas con tantas tradición que nos pareceu interesante enumeralas a continuación. Por se tedes a fortuna de acudir a algunha delas en datas tan sinaladas e gozar ao grande.

O Carnaval no Mundo:

1. Río de Janeiro (Brasil)

O Carnaval por excelencia. O da samba, a caipirinha e os excesos. Un dos máis internacionais, senón o que máis. Simplemente espectacular.

2. Venecia (Italia)

O Carnaval de Venecia non ten nada que ver co anterior e con case ningún do mundo. Tranquilo e elegante, quen participa nel visten con máscaras e traxes de época do século XVII.

3. Nova Orleans (EEUU)

Ao Carnaval de Nova Orleans coñéceselle como o Mardi Gras ou Fat Tuesday. É famoso o seu desfile final e foi instaurado en 1827 por un grupo de estudantes a imitación doutras celebracións vividas en París.

4. Barranquilla (Colombia)

É o Carnaval máis grande do mundo tras o de Río e o seu interese folclórico e cultural está fóra de toda dúbida. Entre outros recoñecementos conta co de ‘Obra Mestra do Patrimonio Oral e Intangible da Humanidade’ da Unesco.

5. Niza (Francia)

A Costa Azul tamén se engalana para gozar do Carnaval. A animación nos barrios é constante mentres dura. Se acodes, aproveita para degustar a excelente gastronomía da zona.

6. Oruro (Bolivia)

Histórico, relixioso, intercultural e moi creativo. Quizá non sexa o máis coñecido, pero non será porque non o merece. Sen dúbida, unha atracción turística do máximo nivel.

7. Santa Cruz de Tenerife (España)

O de Santa Cruz de Tenerife é, xunto ao de Cádiz, o Carnaval máis popular de cuantos celébranse en España. Poderiamos definilo como alegre, multitudinario, acolledor e tremendamente vistoso e divertido.

8. Colonia (Alemaña)

Tamén chamado ‘a quinta estación do ano’, é un dos eventos culturais máis importantes de Alemaña. Son especialmente populares as cabalgatas do luns de carnaval (Rosenmontag).

9. Veracruz (México)

Din del que é o carnaval máis alegre do mundo e non nos estraña tendo en conta que a festa se inicia coa ‘queima do mal humor’.

10. Nothing Hill (Inglaterra)

O barrio londiniense de Nothing Hill é famoso polos seus carnavales, estreados nos anos 60 do pasado século XX e extraordinaria homenaxe á cultura caribeña.

O Entroido en Galicia:

O Entroido galego (tamén chamado Antroido o Introido, entre outras denominacións), é ademais unha celebración de longa tradición popular, sobre todo na provincia de Ourense. E hoxe goza de moi boa saúde, aínda que algúns ritos e peculiaridades xa se perderon e outros estean en proceso de recuperación. Non hai que esquecer que Galicia foi unha das poucas rexións de España que continuou celebrando o carnaval a pesar da prohibición.

Hoxe a importancia do Entroido é tal que oito carnavais galegos exhiben con orgullo a cualificación oficial de “Festa de Interese Turístico”. E máis de 175 municipios de Galicia declararon festivo o Luns ou Martes de Entroido ou o Mércores de Cinza. Unha celebración por todo o alto á que calquera se pode unir.

Iso si, convén ir disfrazado… do que sexa! Aquí o que se valora é o espírito participativo e as ganas de se divertir. Sen disfrace un corre o risco de sufrir uns lategazos; de que lle boten fariña ou formigas vivas; ou de ter que invitar a una rolda de vinos. É a lei.

Hai tamén outra lei que se cumpre estritamente: a dos banquetes gastronómicos. Porque en Galicia o Entroido acompáñase sempre dunha boa mesa. Unha cociña de gorentosos pratos, perfecta para reparar forzas, que ten como protagonista o porco e de acompañantes as patacas, os grelos e os garavanzos. De sobremesa, filloas, orellas, bica; e de remate, un bolicor café. O mellor do mundo.

os-carnavais-mais-famosos-do-mundo-e-o-entroido-en-galicia

 

En Galicia hai sete entroidos que teñen recoñecemento de interese turístico. Dúas son Festas de Interés Turístico Nacional: o Entroido de Xinzo de Limia (coas pantallas) e o Entroido de Verín (cos cigarróns). Cinco delas teñen o recoñecemento de Festas de Galicia de Interese Turístico: o Carnaval de Cobres (coas damas e os galáns), o Entroido de Laza (cos seuspeliqueiros), o Entroido de Viana do Bolo (no que o personaxe central é o boteiro e que comparte protagonismo coa promoción do produto gastronómico da androlla),  o Folión Tradicional do Entroido de Manzaneda (coas mázcaras), osXenerais do Ulla e o Entroido de Maceda (cos felos).

Fuente: Turgalicia, Wikipedia, Carnaval de Río,Saberia , Shutterstock.com

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies