Inicio Baixo Miño Orpagu e Terras Gauda unen o mar e o viño nunha iniciativa...

Orpagu e Terras Gauda unen o mar e o viño nunha iniciativa turística pioneira

Orpagu e Terras Gauda unen o mar e o viño nunha iniciativa turística pioneira “Do Mar á Viña”, que terá lugar os dous últimos venres de agosto e o primeiro de setembro no Baixo Miño, aúna a experiencia enoturística coa historia da localidade e as conservas artesanais dos palangreiros guardeses.

Da alianza da Organización de Palangreiros Guardeses ( Orpagu) e Bodegas Terras Gauda naceu unha iniciativa turística pioneira no Baixo Miño: “Do Mar á Viña”. O evento, que se celebrará os venres 23 e 30 de agosto e 6 de setembro, conxuga a experiencia enoturística cunha travesía marítima fluvial, na que os participantes non só gozarán da beleza das paisaxes senón que aprenderán algo máis sobre a historia desta zona fronteiriza e das súas xentes, tan vinculadas ao mundo do mar.

O auxe do turismo enolóxico, a beleza da contorna e a importancia de dar a coñecer a historia da zona impulsaron a Orpagu e Adegas Terras Gauda a poñer en marcha esta iniciativa. “Do Mar á Viña” consiste nun percorrido por mar, río e viñedos que permitirá aos visitantes impregnarse da cultura desta zona, á que define a súa proximidade con Portugal, a espectacularidade do Monte Santa Tegra e os vestixios dos poboados celtas, entre outros moitos atractivos. O paseo entre viñedos e a travesía en barco culminarán cunha degustación de viños e conservas gourmet de peixe espada e atún, elaboradas de forma artesanal cos produtos obtidos polos pescadores de Orpagu.

O punto de partida de “Do Mar á Viña” en cada un dos tres días da súa celebración será a Enotienda de Adegas Terras Gauda, desde onde os participantes sairán cara ao porto da Guarda. Alí esperan dúas embarcacións para iniciar o percorrido por mar. Do Atlántico ao Miño, río arriba ata Goián. E desde aí, tras a experiencia visual, retorno á adega para satisfacer o olfacto e o padal.

En Terras Gauda procederase a unha cata con tres viños de cásaa -Abadía de San Campio, Terras Gauda e A Mar- e a un delicioso aperitivo que protagonizarán as Conservas Gourmet de Orpagu.

Para obter máis información e inscribirse no evento, xa que o aforo é limitado, pódeno facer desde a páxina web de Terras Gauda, na seguinte dirección:

https:// terrasgauda. com/enoturismo/experiencias/do-mar-a-a- vina/

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies