Inicio Baixo Miño OR.PA.GU. ultima xa os preparativos da 'XIV Festa do Peixe Espada' da...

OR.PA.GU. ultima xa os preparativos da ‘XIV Festa do Peixe Espada’ da Guarda

or-pa-gu-ultima-xa-os-preparativos-da-xiv-festa-do-peixe-espada-da-guardaA Organización de Palangreiros Guardeses (OR.PA.GU) ultima xa os preparativos da Festa do Peixe Espada que este ano chega á súa décimo cuarta edición. A festa, que se celebrará os días 28, 29 e 30 de xullo, terá como marco o porto da Guarda.

Tres días dunha intensa programación pensada para todas as idades, cubrirán unhas xornadas nas que a gastronomía, co peixe espada como protagonista, será un ano máis a actividade principal da festa. Restaurantes da Guarda servirán o peixe espada a través de distintas preparacións que o público poderá degustar desde tres euros.

A programación da XIV Festa do Peixe Espada ten, ademais, outra protagonista: a música. Durante os tres días sucederanse concertos de, por exemplo, a Agrupación Musical da Guarda, cun concerto tributo Rock & Pop, o Coro Fuscalheiro, o Grupo de Acordeóns Mascarelhas, os grupos de gaitas e baile tradicional Lusco e Fusco e a Boalleira, o dj local Diego Wass e a charanga Canto Somos.

No marco da festa, presentarase o II Campionato Galego Inclusivo de Náutico Adaptado que organiza o Club Deportivo Sen Amarras e entregaranse os premios do concurso de carteis e do concurso de relatos ‘Homes e mulleres do mar’, dirixido ao público infantil e xuvenil.

Un pregoeiro de luxo: o Mecalia Atlético Guardés
Para dar o pistoletazo de saída á festa o vindeiro venres día 28, ORPAGU pensou nas integrantes do club de balonmán Mecalia Atlético Guardés. Para a dirección da asociación de palangreiros, representa “unha enorme satisfacción que as nosas campioas aceptasen abrir a nosa festa“, sinalan. “Hai moitos colectivos que, en distintos ámbitos, están a realizar un labor importante no noso pobo e este club é un deles, por iso pensamos nelas”, destacan desde ORPAGU.

Para a celebración da festa, os palangreiros guardeses contan coa colaboración do Ministerio de Agricultura e Pesca, Alimentación e Medio Ambiente, o Fondo Europeo e Marítimo de Pesca, o Concello da Guarda e a Deputación de Pontevedra.

Todos os días, o público poderá visitar un mercado artesanal, visionar fotografías antigüas da Guarda e, os máis pequenos, poderán gozar de actividades como inchables, obradoiros, pintacaras e photocall.

or-pa-gu-ultima-xa-os-preparativos-da-xiv-festa-do-peixe-espada-da-guarda

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies