spot_img
InicioBaixo MiñoA GuardaO xurado do “Concurso de Fotografía Día Mundial do Turismo” da Guarda...

O xurado do “Concurso de Fotografía Día Mundial do Turismo” da Guarda deu a coñecer os premiados

o-xurado-do-concurso-de-fotografia-dia-mundial-do-turismo-da-guarda-deu-a-conecer-os-premiados
Primeiro premio

O pasado mércores día 2 de novembro, o xurado do “Concurso de Fotografía Día Mundial do Turismo” reuniuse para deliberar e escoller as fotografías premiadas deste concurso organizado polo concello da Guarda. O xurado estivo formado por Naomi Brey, Patricia Álvarez (fotógrafas profesionais) e Jorge Alonso (reporteiro) en calidade de vocais; e por Rosalía Verde, técnica de turismo da Guarda, en calidade de secretaria.

Estes membros do xurado, tendo en conta a calidade técnica, artística e a adaptación das fotografías ó tema do concurso, acordaron outorgar os seguintes premios:

O primeiro premio, dotado cunha estancia de 7 noites no Aparthotel Marouco, nun apartamento modelo A con capacidade de máximo 4 persoas, a FRANCISCO JAVIER GONZÁLEZ FERNÁNDEZ de Vigo.

O segundo premio, dotado cunha estancia de 7 noites no Camping Santa Tecla nun mobil home con capacidade de máximo 6 persoas, a SALVADOR LINARES FERNÁNDEZ de Valencia.

o-xurado-do-concurso-de-fotografia-dia-mundial-do-turismo-da-guarda-deu-a-conecer-os-premiados
Segundo premio

E o terceiro premio, dotado cunha cena para dúas persoas no Restaurante Casa Chupaovos, a TATIANA SOYNIKOVA  da Guarda.

o-xurado-do-concurso-de-fotografia-dia-mundial-do-turismo-da-guarda-deu-a-conecer-os-premiados
Terceiro premio

Os premiados foron escollidos entre as máis de 30 fotos presentadas e na súa maioría as fotos gañadoras amosan diferentes perspectivas do porto da Guarda, que foi o  protagonista dunha gran porcentaxe das obras presentadas ao concurso, cada unha das cales ofrece unha visión única do animado e colorido porto da vila.

Deste xeito, as tres fotografías seleccionadas serán as protagonistas das novas campañas turísticas do Concello da Guarda, que con esta iniciativa buscaba conmemorar o Día Mundial do Turismo que tivo lugar o pasado 27 de setembro. Ademais, tamén tivo como obxectivos promover a creatividade no ámbito da fotografía e poñer en valor e dar a coñecer os recursos naturais, patrimoniais e atractivos turísticos da vila.

- Publicidade -spot_img