Inicio Pontevedra O Viveiro de empresas de Baiona (Casa do Reloxo) acollerá un curso...

O Viveiro de empresas de Baiona (Casa do Reloxo) acollerá un curso gratuito de inglés para o seu Sector Turístico

Casa Reloxo Baiona

A Concellería de Turismo de Baiona abriu este martes o prazo de inscrición para o primeiro Curso de Inglés para Traballadores do Sector Turístico que ten como obxectivo xeral que os participantes sexan capaces de manter unha conversa en inglés no seu ámbito de traballo.

“Esta concellería ten, como un dos seus piares principais, o traballo en pro da calidade turística e da mellora continua para poder ofrecer un servizo que supere as expectativas dos nosos turistas e visitantes. Por iso, consideramos prioritario mellorar a formación da atención ao público en inglés, xa que nos últimos anos aumentou a chegada de turistas estranxeiros, sobre todo, peregrinos”,  apuntou Beatriz González, concelleira de Turismo.

O curso é gratuito, conta coa colaboración do Consorcio de Zona Franca e se celebrará do 2 de febreiro ao 2 de marzo (os xoves 2, 9, 16 e 23 de febreiro e 2 de marzo), terá unha duración de 10 horas e oferta un total de 30 prazas. A Casa do Reloxo, onde se sitúa o viveiro de empresas (Rúa do Reloxo), acollerá o curso, que inclúe dúas convocatorias en horario de mañá (9:30 -11:30 horas) e tarde (17:00 – 19:00 horas).

Os obxectivos específicos do curso son a expresión e interacción oral para facer e responder preguntas sinxelas sobre a vida cotiá, a comprensión oral para deletrear palabras básicas, comprender palabras e expresións moi básicas sobre eles mesmos, as súas familias e o seu entorno, falando amodo e con claridade; a expresión e interacción escrita para poder escribir unha breve nota sobre o seu traballo, encher formularios con datos persoais, e a comprensión escrita de nomes, palabras e frases moi sinxelas, por exemplo en letreiros e carteis.

As persoas interesadas poderán solicitar praza ata o martes, 31 de xaneiro, e as persoas interesadas en participar na convocatoria deberán presentar a solicitude de inscrición, debidamente cumprimentada  e asinada, no rexistro de entrada do Concello de Baiona de luns a venres en horario de 9:00 a 14:00h,  xunto coa fotocopia do DNI, copia do contrato laboral, certificado de empresa ou nómina  e vida laboral actualizada.

Máis información a traves a través do Departamento de Turismo de Baiona, no teléfono 986 38 59 24 ou nos enderezos de correo electrónico: turismo@baiona.org  / cat@baiona.org

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies