spot_img
InicioPontevedra e ÁreaO subdelegado do Goberno en Pontevedra presidiu a entrega dos premios infantís...

O subdelegado do Goberno en Pontevedra presidiu a entrega dos premios infantís do I Concurso de Debuxo “Ponche a Conducir”

O subdelegado do Goberno en Pontevedra presidiu a entrega dos premios infantís do I Concurso de Debuxo "Ponche a Conducir"O subdelegado do Goberno en Pontevedra, Antonio Coello Bufill, presidiu esta mañá a entrega dos premios infantís do I Concurso de Debuxo ‘Ponche a Conducir’, enmarcado dentro da xornada de educación viaria que dá nome ao concurso que tivo lugar o pasado mes de xuño e que foi organizada pola Plataforma Moteira de Seguridade e a Dirección Xeral de Tráfico xunto a outros colaboradores.

O oito gañadores desta primeira edición, con idades comprendidas entre o catro e os 15 anos, recibiron esta mañá os distintos obsequios pola súa participación, nun sinxelo acto celebrado no salón de actos da subdelegación do Goberno. No encontro tamén participaron representantes da Garda Civil, entre os que se atopaba o coronel Miguel Estévez, e a DXT, coa presenza da xefa provincial de tráfico, Mª Isabel Alonso; así como das entidades promotoras e colaboradoras deste primeiro concurso de debuxo.

O subdelegado do Goberno felicitou aos premiados polo seu interese e esforzo e animoulles a pór en práctica todo o aprendido sobre seguridade viaria e a converterse eles tamén en educadores nun aspecto de vital importancia como é a seguridade dos cidadáns nas estradas, xa sexa como peóns ou como condutores.

Coello agradeceu tamén aos organizadores e colaboradores a posta en marcha de actividades deste tipo e sinalou a necesidade da participación de todos os axentes sociais e institucionais na mellora continua da educación viaria desde idades temperás.

- Publicidade -spot_img