Ban Ki-moon urxiu hoxe aos ministros e negociadores reunidos na Conferencia de Nacións Unidas sobre Cambio Climático (COP21) a non desperdiciar a oportunidade de alcanzar en París un acordo que transforme o futuro.
Nunha conferencia de prensa no marco dese cumio, Ban Ki-moon, subliñou que se requiren accións decisivas xa que o mundo non pode permitirse decisións a medias ou demoras neste campo.
Ban lembroulles que quedan menos de catro días para que conclúa a reunión e lamentou que aínda existan temas difíciles de aprobar.
“Pídolles compromiso e participación construtiva para que podamos chegar a un consenso. Os intereses nacionais de cada país poden e serán mellor atendidos se traballamos polo ben común”, declarou.
O titular da ONU indicou que os compromisos nacionais son benvidos como un punto de partida, pero aclarou que son insuficientes para alcanzar o obxectivo de limitar o aumento da temperatura a dous graos centígrados.
“Debemos ir máis lonxe e máis rápido”, puntualizou Ban.
