Inicio Galicia O programa 'Ler conta moito' abre a convocatoria pública para configurar o...

O programa ‘Ler conta moito’ abre a convocatoria pública para configurar o catálogo de actividades da súa nova edición

-programa-ler-conta-moito-abre-a-convocatoria-publica-para-configurar-o-catalogo-de-actividades-da-sua-nova-edicion

O programa de dinamización do libro e da lectura ‘Ler conta moito’ abre unha nova convocatoria pública para configurar o seu catálogo de actividades de 2016. Logo de promover este ano a realización de preto de 800 actuacións en centros da Rede de Bibliotecas de Galicia, o programa pon en marcha unha nova edición, a cuarta, para o que convoca a presentación de ofertas por parte dos profesionais ou colectivos con experiencia neste ámbito que desexen participar no programa, de acordo cos requirimentos establecidos nas bases.

A partir das propostas recibidas, que se poderán presentar ata o vindeiro 17 de decembro, unha comisión de valoración realizará a selección das propostas presentadas para actualizar e renovar o catálogo deste programa, promovido pola Secretaría Xeral de Cultura da Consellería de Cultura e Educación en colaboración cos concellos. Estas actividades poranse ao dispor da Rede de Bibliotecas Públicas como recurso para a elaboración da súa programación anual de difusión cultural e fomento da lectura.

Música, danza, audiovisual e teatro para promover a lectura
As actividades de promoción da lectura que se oferten para os diferentes públicos –bebés, nenos e nenas, mocidade, adultos ou colectivos con necesidades especiais– deben axustarse a algunha das categorías que se establecen na convocatoria, entre as que se inclúen obradoiros creativos, de escritura, banda deseñada, audiovisual, oralidade, encadernación etc; actividades baseadas na narración oral, como contacontos, recitais poéticos e regueifas; actividades para a divulgación do coñecemento, a través de charlas, encontros con autores e autoras, ciclos temáticos etc.; iniciativas audiovisuais, como proxeccións, audicións, propostas sobre a videocreación e ciclos arredor do cine; exposicións, actividades de dinamización con música, teatro e danza; e itinerarios guiados, para descubrir escenarios literarios e espazos históricos.

Promover o interese polo recursos das bibliotecas
De acordo coa convocatoria, as propostas, que se desenvolverán en galego, deben establecer relación directa e explícita cos fondos da biblioteca (libros, música, publicacións periódicas, audiovisuais etc.) para favorecer o interese dos participantes nas actividades polos recursos que ofrece a biblioteca.

Cada ofertante poderá presentar un máximo de dúas actividades, cun custo máximo por cada unha delas de 500 euros, que será financiado pola Secretaría Xeral de Cultura (75%) e polas entidades locais con bibliotecas integradas na o 25% restante corre a cargo das entidades locais con bibliotecas integradas na Rede de Bibliotecas de Galicia que se adhiran ao programa (25%).

O formulario electrónico para a presentación de solicitudes está accesible na páxina da Rede de Bibliotecas de Galicia,www.rbgalicia.xunta.es

Últimas actividades de 2015
A programación deste ano de Ler conta moito despídese este mes con actividades na cidade herculina e na capital de Galicia. A Biblioteca Pública da Coruña Miguel González Garcés será o escenario, o sábado 12 de decembro, ás 18:00 horas, de ‘Pura palabra’, na que Soledad Felloza convidará os nenos e nenas de entre 4 e 12 anos a percorrer o mundo a través das palabras. O centro coruñés tamén acollerá o sábado 19 a actividade ‘Por que é salgada a auga do mar?’, na que os Quinquilláns levarán de expedición os nenos e nenas de 3 a 12 anos para coñecer, a través da música, da danza e do teatro, como viven os habitantes dos fondos mariños.

Finalmente, o xoves 17 de decembro, o programa Ler conta moito ofrecerá na Biblioteca Pública de Santiago Ánxel Casal, ás 18:30 horas, o obradoiro de banda deseñada ‘Coñécete a través dos cadriños’, dirixido polo ilustrador Xosé Tomás, e no que as persoas que participen terán ocasión de crear en viñetas a súa propia historia, con personaxes baseadas na súa contorna.

Todas as actividades do programa son difundidas a través da rede no blog Ler conta moito, enhttp://blogs.xunta.es/lercontamoito/, e da Axenda de Cultura de Galicia, en cultura.gal

- Publicidade -

ÚLTIMA REVISTA

+ VISTOS

SÍGUENOS

691FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies