·Publicidade ·
mobipark
mobipark
InicioO MorrazoMarínO Museo de Marín pecha o ano coa exposición do cadro restaurado...

O Museo de Marín pecha o ano coa exposición do cadro restaurado que Torres pintou durante a pandemia de 1918

O Museo de Marín pecha o ano coa exposición do cadro restaurado que Torres pintou durante a pandemia de 1918Marín está a prepararse para recibir o Nadal, unha época especial, familiar e que este ano terá que ser de pequenas celebracións, de intimidade e, sobre todo, de moita responsabilidade.

Algunhas actividades seguras que se poden levar a cabo a pesar das restricións son as que teñen que ver coa cultura. O seu Museo Manuel Torres é unha desas opcións.

E de cara ao Nadal a concelleira Itziar Álvarez anuncia que se está a preparar unha exposición temática do noso pintor máis afamado e que lle da nome ao Museo sobre as súas creacións asociadas co Nadal.

“A partir do 1 de decembro poderemos ver oito bocetos, algúns sobre papel branco e outros sobre papel de xornal, nos que Torres pintou motivos bíblicos relacionados co Nadal”, explica a concelleira.

Ademais, tamén se exporá un exemplar dun número especial do xornal El Pueblo, do ano 1943, que ten portada de Lugrís e no que Torres colaborou, desta vez usando as palabras, cun relato de Nadal.

O Ano Torres terá un peche de ouro

O Ano Torres aínda seguirá conmemorándose no 2021, dado que moitas das actividades previstas para este ano non se puideron levar a cabo debido á situación sanitaria.

Marín restaura un cadro pintado por Torres durante a pandemia de 1918

Así a todo, o propio 2020 terá un peche de ouro coa exposición ao público do cadro restaurado polo Concello, inédito até o momento, que Torres pintou durante a pandemia de 1918 e que supón unha reprodución da pintura “Los niños comiendo pasteles”, de Murillo.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies