Inicio Val Miñor Baiona O MRCY prepárase para a saída da Baiona Angra Atlantic Race cunha...

O MRCY prepárase para a saída da Baiona Angra Atlantic Race cunha xornada de seguridade no mar

o-mrcy-preparase-para-a-saida-da-baiona-angra-atlantic-race-cunha-xornada-de-seguridade-no-mar

Celebrarase o vindeiro xoves 30 de xuño e incluirá a presentación ao público da regata Baiona Angra Atlantic Race que partirá o domingo rumbo a Azores

O Monte Real Club de Yates ultima estes días todos os detalles para a celebración do que será, sen dúbida, un dos seus eventos deportivos máis importantes deste 2016, a regata oceánica Baiona Angra Atlantic Race, que partirá o vindeiro domingo da vila mariñeira galega rumbo ao arquipélago de Azores.

comillasO club náutico baionés organiza todo un día de charlas, debates e exercicios prácticos de rescate nos que participará o helicóptero de salvamento Pesca 1

A competición será presentada oficialmente o vindeiro xoves día 30 no marco dunhas xornadas de seguridade no mar que o club baionés organiza en colaboración con o-mrcy-preparase-para-a-saida-da-baiona-angra-atlantic-race-cunha-xornada-de-seguridade-no-marGardacostas de Galicia, Salvamento Marítimo, Inaer e Viking para formar ás tripulacións que participarán na regata.

Os encargados de inaugurar as intervencións, a partir das dez e media da mañá, serán o presidente do Monte Real Club de Yates, José Luis Álvarez, que ofrecerá todos os detalles da Baiona Angra Atlantic Race; e o Xefe do Centro de Coordinación de Salvamento Marítimo, José María Suárez Chairos, que presentará o programa da xornada.

 

A continuación, o rescatador do Servizo Aéreo de Rescate (SAR), José Luis Iglesias Durán, e o comandante instrutor do Pesca 1, Álvaro Espello Saavedra, impartirán unha charla sobre exemplos prácticos de rescate. Falarán da súa experiencia laboral como membros dun equipo de salvamento e explicarán como hai que actuar en caso de perigo no mar. Ao finalizar abrirase un coloquio cos asistentes, que poderán expor as súas dúbidas sobre temas de seguridade e rescate.

comillasGardacostas de Galicia, Salvamento Marítimo, Inaer e Viking colaboran nunha xornada na que se poderá visitar unha exposición de material de seguridade

Tras as sesións teóricas da mañá, a xornada de seguridade da Baiona Angra Atlantic Race continuará pola tarde coa parte práctica, que incluirá a participación do helicóptero de salvamento Pesca 1. Na baía de Baiona faranse simulacións de rescates de tripulantes desde un barco ao helicóptero, desde unha balsa ao helicóptero e desde o mar ao helicóptero. Realizaranse tamén prácticas con balsas salvavidas, botes de fume, bengalas de man e foguetes con paracaídas. Ao longo de todo o día, a terraza do Monte Real Club de Yates albergará, ademais, unha exposición de material de rescate.

Para a xornada de seguridade hai días que se completou o aforamento. Participarán nela un total de 60 persoas, principalmente regatistas da Baiona Angra Atlantic Race, pero o público que o desexe poderá ver as manobras de rescate que se realicen pola tarde no mar desde as zonas que rodean á baía de Baiona.

 

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies