Xulián Maure, director do Instituto de Estudos Miñoráns (IEM) foi o encargado de presentar os novos faladoiros, sendo o primeiro deste ano «Galicia 2017-2020», no que intervirán os voceiros parlamentarios dos catro grupos políticos con representación no Parlamento Galego.
“Nos queremos que O Val Miñor sexa a primeira bisbarra de Galicia que sente nun faladoiro aos catro voceiros que están no Parlamento de Galicia e que nós escoitémoslles tamén a eles” subliñou na sua intervención Xulián Maure.
” Queremos hacer esto todos os anos no sentido da humanidade, non no sentido do capital, e aproveitar para que coñezan O Val Miñor e as suas demandas” explicou Moure.
Os faladoiros comezarán o 13 de xaneiro con Ana Pontón (Bloque Nacionalista Galego, quen será presentada por Sandra González(Alcaldesa de Tomiño).
20 de xaneiro.-Xoaquín Leiceaga (Partido Socialista de Galicia), será presentado por Francisco Ferreira (Alcalde de Gondomar),
27 de xaneiro-Luís Villares (En Marea), será presentado por Antón Araúxo (Tenente Alcalde de Gondomar).
3 de febreiro-Pedro Puy (Partido Popular), será presentado por Ángel Rodal (Alcalde de Baiona).
Moderará as xornadas Xaime Lugilde (Licenciado en Dereito)
O contido das xornadas tratará sobre a situación de Galicia 2017-2020 respecto de: Sector primario e secundario, Lingua e Cultura Galega, Demografía, Servizos Sociais, Orzamentos e Galicia no Estado Español.
As xornadas desenvolveranse na Aula de Cultura Ponte de Rosas, Avenida da Feira Nº 10 baixo nas datas indicadas e ás 20:00h.
Sobre o IEM
O Instituto de Estudos Miñoranos ten como obxectivos Divulgar a cultura e, en xeral, todo o referente ó patrimonio natural, histórico, artístico, arquitectónico, etnográfico, lingüístico, etc dos tres concellos do Val Miñor. Promover a relización de estudos de todo tipo sobre os ámbitos sinalados. Impulsar calquera actividade encamiñada á divulgación destes aspectos. Fomentar a conservación e respecto polo patrimonio miñorano como un ben económico e cultural actual.
