Inicio Val Miñor Nigrán O festival NigranJazz, elexido finalista por terceiro ano consecutivo dos Premios Martín...

O festival NigranJazz, elexido finalista por terceiro ano consecutivo dos Premios Martín Códax da música

o-festival-nigranjazz-elexido-finalista-por-terceiro-ano-consecutivo-dos-premios-martin-codax-da-musicaO festival Nigranjazz, organizado dende o Concello de Nigrán, foi seleccionado onte á noite como finalista por terceiro ano consecutivo dos ‘Premios Martín Códax’ da música.

Este foi elexido na quinta edición xunto a Resurrection Fest (Viveiro) e o Pardiñas (Guitiriz) na categoría de mellor festival, á que se presentaron 21 candidaturas de toda Galicia. Os proxectos finalistas foron escollidos polas socias e socios de ‘Músicos ao vivo’ mediante votación online entre un total de 449 proxectos inscritos (superando á anterior edición): 397 grupos, 14 salas, 22 festivais e 16 espazos de comunicación musical. O xurado, que tamén fará as súas escollas a través do sistema de votación online, será secreto ata o final do procedemento e os gañadores daranse a coñecer o 9 de maio no transcurso da Gala de Entrega de Premios que terá lugar un ano máis no Pazo da Cultura de Pontevedra.

“O Nigranjazz é un proxecto que comezamos hai 11 anos e que nos sitúa xa como un referente de jazz a nivel nacional”, sinala o alcalde, Juan González, quen destaca que dende o Concello xa se está pechando a próxima edición “mantendo o  compromiso de traer aos mellores músicos internacionais ao tempo que se lle da un espazo tamén aos galegos”. “Entre tanto certame existente con música totalmente comercial, ten moito mérito ser o único festival de jazz finalista e xa por terceiro ano consecutivo. Polo Nigranjazz desfilaron algúns dos mellores músicos do mundo e seguimos con ese compromiso de que a calidade artística prime por riba de todo,”, sinala o seu director, Felipe Villar.

Foi elexido xunto ao ‘Resurrection Fest’ e ‘Pardiñas’ entre 21 candidaturas de toda Galicia. O gañador se dará a coñecer nunha  gala en Pontevedra o vindeiro 9 de maio

O Nigranjazz é o festival máis lonxevo organizado dende o consistorio e  o único adicado ao jazz  de toda a comarca do Val Miñor. Actualmente está considerado entre músicos, afeccionados e prensa especializada como un dos mellores do noroeste peninsular debido á calidade dos artistas que nel participan. A diferenza doutros festivais,  aposta por un jazz puro, lonxano das vangardas. Sempre con entrada gratuíta, celébrase no espazo clasificado na Rede Natura do esteiro de A Foz, na Ramallosa, dende que en 2007 o impulsasen veciños de Nigrán entusiastas desta música, manténdose activos na organización co músico Felipe Villar á cabeza. Dende entón, conseguiuse achegar a Nigrán a algúns dos mellores artistas a nivel internacional, por el desfilaron, entre outros, Peter Bernstein, Gilad Hekselman, Bill McHenry, Jorge Rossy, Marteen Hogenhuis, Joe Martin, Chris Cheek ou este ano o afamado guitarrista americano Kurt Rosenwinkel.  Pero non hai que esquencer que o festival é tamén un espazo para os cada vez máis e mellores músicos de jazz galegos, así, é xa tradición que se integren nas formacións internacionais músicos locais, compoñendo agrupacións en exclusiva para o evento e dando a oportunidade aos músicos de aquí de presentar os seus traballos. Compre destacar que o Nigranjazz outorga tamén especial relevancia á relación galaico-portuguesa, consagrando algunha edición unicamente a elo e invitando sempre a artistas lusos a participar.

A permanencia en Nigrán ao longo destes anos  xerou un especial interese  por esta música na comarca, congregando cada vez a máis público no esteiro de A Foz: fieis seguidores que non faltan dende a primeira edición e veciños e turistas que cada vez fan máis multitudinario este evento, alleo por completo á música comercial.

Finalmente, compre mencionar outro dos signos de identidade do festival, que é o concurso de carteis de cada edición, adicado ao veciño de Nigrán Quin Alborés, deseñador gráfico e organizador do Nigranjazz ata a súa morte. Tamén hai que suliñar a master-class que tradicionalmente imparte o conxunto estrela ou as distendidas jam-sessions posteriores aos concertos..

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies