O Espazo Fortaleza acolle o XXIII Encontro de bandas de música de Goián, festival no que vai participar unha banda valenciana que está realizando un Intercambio Musical coa banda de Goián.
A Agrupación Musical de Goián, coa colaboración do Concello de Tomiño e a Deputación de Pontevedra, organiza o XXIII Encontro de Bandas de Música no que participarán tres bandas. A primeira en actuar vai ser a Banda de Música de Catoira dirixida polo mestre Carlos Filgueira. A continuación participará a banda valenciana: a Societat Musical “La Primitiva” de Rafelbunyol, dirixida por Àngel Escutia Martínez. Finalmente, pechará o acto a Agrupación Musical de Goián baixo a batuta de Pedro Villarroel González.
O encontro celébrase este venres 27 ás 21:00 h. no Espazo Fortaleza de Goián, co Río Miño de fondo.