A clasificación xeral senior feminina tivo que ser corrixida durante o día de hoxe por un erro co programa informático que xestiona os resultados.
As mulleres do Ría de Aldán conseguiron o primeiro posto na clasificación xeral senior feminina ao sumar 442 puntos por diante do Club Kayak Tudense que sumou 267 puntos e o Club As Torres con 229 puntos.
A demais clasificacións quedaron como estaba e o Club Piragüismo Vilaboa fixo valer a súa condición de favorito levándose o triunfo na clasificación xeral senior masculino con 465 puntos por diante do Club Breogán do Grove que sumou 400 puntos, o terceiro posto foi para o Club Kayak Tudense con 395.
Doutra banda o Club Náutico Firrete terminou en primeira posición na xeral masuculina da categoría Xuvenil, secundado no podio polo Breogán do Grove e o Club Piragüismo Rías Baixas respectivamente. O Club As Torres logrou o primeiro posto en mulleres por diante do E.P. Cidade de Pontevedra e Piragüismo Verducido.
Despois desta competición a clasificación da liga Senior Masculina segue encabezada polo Piragüismo Vilaboa con 587 puntos, séguenlle o Club As Torres con 542 puntos e en terceira posición prodúcese un empate a 539 puntos entre o Breogán do Grove e o Club Náutico Pontecesures.
En mulleres o Ría de Aldán mantense primeiro con 587 puntos seguido con 577 puntos polo Breogán do Grove e polo Club As Torres con 562 puntos.
Tampouco hai cambios na categoría xuvenil. O Breogán segue primeiro en homes acompáñanlle o E.P. Cidade de Pontevedra en segundo lugar e o Club AS Torres no terceiro.
As mulleres do Club As Torres son primeiras da súa liga por diante do E.P. Cidade de Pontevedra que é segundo, no terceiro posto volve producir un empate entre o Breogán e o Club Piragüismo Illa de Arousa.
