Inicio Pontevedra O Castelo de Soutomaior acolle unha xornada sobre a contribución da moda...

O Castelo de Soutomaior acolle unha xornada sobre a contribución da moda ao feminismo

A moda na época de María Vinyals nunha exposición no Castelo de Soutomaior

Participarán importantes referentes da moda en Galicia como a investigadora Lola Dopico, a deseñadora Charo Froján, a artista Mónica Mura e a comisaria da mostra, Natalia Fraguas

A presidenta da Deputación de Pontevedra, Carmela Silva, informou hoxe en rolda de prensa de que o vindeiro xoves 31 o Castelo de Soutomaior acollerá unha visita guiada á exposición “A moda en detalles” e unha posterior xornada de reflexión sobre a contribución da moda ao feminismo. Neste percorrido, no que se pretenden tender pontes entre a moda do século XXI e a do século XIX, participarán importantes referentes da moda en Galicia como son a directora do Máster en Deseño e Dirección Creativa Lola Dopico, a deseñadora da empresa D-DUE, Charo Froján, a artista e deseñadora gráfica, Mónica Mura e a comisaria da mostra Natalia Fraguas.

Máis polo miúdo, Silva explicou que tras o percorrido guiado á exposición da man de Fraguas, farase unha xornada de reflexión con estas catro mulleres como protagonistas que, “de seguro, nos desvelarán moitas cuestións da moda do século XIX e principios do século XX”. Ademais, a presidenta tamén afirmou que “o que queremos poñer en valor con esta iniciativa é a moda como elemento de expresión cultural e, ao mesmo tempo, a moda feminina de comezos do século XX como elemento democratizador da muller e de ruptura de clichés en torno ao corpo feminino”. Como exemplo, Silva mencionou os códigos de cores de sufraxistas ou a moda de Chanel.

Así mesmo, a presidenta quixo recordar que a exposición “A moda en detalles: Indumentaria e complementos (1870-1925)” é a primeira acción cultural complementaria que se está a desenvolver no castelo no marco das accións previstas para a posta en valor da musealización e potencial histórico e cultural do edificio. Para iso, estanse a levar a cabo iniciativas relacionadas coas personaxes que viviron no castelo. No caso desta mostra, entronca coa época dos Marqueses de Armijo e María Vinyals. “A moda en detalles”, que recolle pezas únicas da historia da moda feminina de finais do XIX e comezos do XX, pódese ver no castelo de Soutomaior ata o vindeiro 24 de febreiro.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies