Inicio Vigo e área Soutomaior O castelo de Soutomaior acolle por segundo ano consecutivo a cata amateur...

O castelo de Soutomaior acolle por segundo ano consecutivo a cata amateur da Ruta do Viño Rías Baixas

O castelo de Soutomaior acolle por segundo ano consecutivo a cata amateur da Ruta do Viño Rías BaixasA cata a cegas, que esgotou en catro días as 100 prazas ofertadas, amosará os matices de preto de 30 referencias de 16 adegas. O evento contará coa actuación musical do dúo vigués La Franga e unha degustación gastronómica

O castelo de Soutomaior acolle este domingo por segundo ano consecutivo a cata amateur da Ruta do Viño Rías Baixas na que se amosarán os matices de preto de 30 referencias de 16 adegas asociadas á ruta. “É un día para poñer en valor os nosos exquisitos viños, o noso produto e a nosa cultura, nun espazo tan ideal como é o castelo de Soutomaior”, asegurou a presidenta Carmela Silva.

A cata a cegas, na que novamente serán protagonistas os viños Rías Baixas, comezará ás 11 da mañá e contará con dúas partes. En primeiro lugar, o sumiller Nacho Costoya guiará ás persoas participantes na cata dos cinco primeiros viños, explicando os principais detalles (visuais, olfativos e gustativos) nos que as e os asistentes deberán focalizar a súa atención. Posteriormente as persoas participantes terán que agudizar os seus sentidos porque comezará a cata na que se presentarán tres dos cinco viños degustados inicialmente que serán os que o público deberá acertar a cegas. Para as persoas gañadoras haberá un premio dunha estancia en establecementos adscritos á Ruta do Viño e tamén un sorteo de lotes de bodegas da Ruta do Viño Rías Baixas.

A actividade, que se enmarca ademais no Día Europeo do Enoturismo, compleméntase cunha visita previa e por libre ao Castelo de Soutomaior. Ademais, a xornada contará con música en directo do dúo vigués La Franga, integrado por Fran Brea e Jorge Villar, que amenizará a cata con éxitos musicais de todos os tempos. Xunto á música haberá tamén unha degustación gastronómica con produtos das Rías Baixas, como conservas e embutidos, elaborados por empresas situadas na provincia de Pontevedra.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies