Inicio Pontevedra Baixo Miño O Camiño Portugués eixo da promoción da Eurocidade Tui-Valença na BTL de...

O Camiño Portugués eixo da promoción da Eurocidade Tui-Valença na BTL de Lisboa

o-camino-portugues-eixo-da-promocion-da-eurocidade-tui-valenca-na-btl-de-lisboa

A promoción do Camiño Portugués a Santiago ao seu paso por Tui e por Valença é o eixo central  da presenza ata este domingo na Bolsa de Turismo de Lisboa, BTL, da Eurocidade Tui-Valença.

Un posto propio no pavillón 2 desta feira internacional serve de escaparate as múltiples potencialidades que ofrecen os dous municipios a unha e outra beira do Miño. Tres maquetas de Tui, Valença e a vella Ponte Internacional presiden o espazo expositivo achegando ao visitante unha primeira imaxe a escala da Eurocidade. Ata Lisboa desprazáronse o alcalde de Tui, Enrique Cabaleiro, o presidente da Cámara de Valença, Jorge Salgueiro, o vereador de Cultura, José Monte, e o presidente da Assembleia, Alberto Vilas. Na fin de semana achegarase tamén ata a BTL o concelleiro de Turismo de Tui, Laureano Alonso.

o-camino-portugues-eixo-da-promocion-da-eurocidade-tui-valenca-na-btl-de-lisboa

O alcalde de Tui, Enrique Cabaleiro, sinala que o modelo da BTL orientado principalmente ao sector minorista permite á Eurocidade ter maior visibilidade e establecer contactos directos con touroperadores e outras empresas turísticas, de feito esta tarde tiñan previstos varios encontros. Engade que para Tui é estratéxico acudir a esta feira internacional en Lisboa tendo en conta que os portugueses ocupan o primeiro posto no número de turistas estranxeiros que visitan a cidade.  A BTL agarda ata este domingo 75 mil visitantes.

Arestora a Eurocidade traballa na promoción do Camiño Portugués ao paso polo seu territorio. De aí que a presenza en Lisboa se artella tendo coma fío condutor esta vía secular de peregrinación, entorno á que se divulga o patrimonio histórico, os conxuntos históricos das dúas cidades, os valores medioambientais do río Miño, do Parque Natural do Monte Aloia e do Monte Faro, a gastronomía con produtos coma o meixón, a lamprea, …pero tamén os viños e augardentes que se producen na Eurocidade.

Máis de 52 mil peregrinos pasaron por Tui camiño de Santiago en 2016

En 2016 21.931 peregrinos saíron da Eurocidade – 15.158 de Tui e 6.773 de Valença – que ocupa o terceiro posto  coma lugar de partida de peregrinos a Compostela sumando o cómputo de todos os Camiños.  Pero foron máis de 52 mil os peregrinos que transitaron pola Eurocidade en dirección a Santiago, xa que esa é a cifra de compostelás expedidas pola Oficina de Acollida ao Peregrino en 2016 a aqueles que realizaron o Camiño Portugués. (*todos eles pasaron por Tui xa é a distancia mínima para obter este certificado).

 

 

- Publicidade -

ÚLTIMA REVISTA

+ VISTOS

SÍGUENOS

39FansGóstame
273SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies