Os actos foron retransmitidos en directo polo facebook tanto do Concello de Recondela coma da Asociación Andaina
O Multiúsos da Xunqueira, en Redondela, acolleu onte os actos do Día Internacional das Persoas con Diversidade Funcional organizados pola Asociación Andaina e o Concello de Redondela. As 11:30 horas tiña lugar a apertura da exposición fotográfica ‘Baixo o mesmo paraugas’, aberto tamén a colaboración das veciñas e veciños que podían enviar as súas fotos con paraugas ao enderezo electrónico de Andaina e tamén a visibilizalas nas redes sociais a través desas fotos de ‘Baixo o mesmo paraugas’.
A alcaldesa de Redondela, Digna Rivas, pronunciou unhas palabras nas que insistiu sobre a necesidade de “visibilizar a diversidade funcional e proporcionarlle as persoas todas as ferramentas que lles permitan desenvolverse en todos os ámbitos e tomar o control da súa propia vida”.
Posteriormente tiña lugar o acto de lectura do manifesto, acto que, presentado por Nelson Quinteiro, foi retransmitido en directo a través das redes sociais do Concello de Redondela e da Asociación Andaina. Deseguido procedíase a entrega dos premios ‘Andaina 2020 á Diversidade’ para rematar o acto coa proxección da curtametraxe ‘Un día cualquiera, joder’.
