spot_img
InicioPontevedra e ÁreaO audiovisual "Sigue o teu instinto" acada en FITUR o primeiro premio...

O audiovisual “Sigue o teu instinto” acada en FITUR o primeiro premio á mellor promoción dun producto turístico do mundo

A Deputación de Pontevedra leva a FITUR a inigualable natureza da provincia coa campaña Sigue o teu instintoO audiovisual da campaña de Rías Baixas en 2020, protagonizado por Celia Freijeiro, continúa así a estela do premiado ‘Fame de Experiencias?’ e volve a situar á Deputación de Pontevedra no liderado internacional dos audiovisuais turísticos

Tralos 14 premios internacionais que acadou o vídeo promocional da campaña 2019 da Deputación ‘Fame de Experiencias?’, agora o audiovisual de 2020 ‘Sigue o teu instinto’ comeza a súa andaina polos circuítos de premios turísticos “transitando polo mesmo camiño de recoñecemento”. A presidenta, Carmela Silva, anunciou que a cinta protagonizada pola actriz Celia Freijeiro “acaba de conseguir en FITUR o primeiro premio ao mellor produto turístico nos FITUR Travel Video Competition”. Ao galardón, que foi recollido esta mañá no IFEMA pola deputada Ana Laura Iglesias e o equipo de Turismo da Deputación, presentáronse 86 cintas, foron seleccionadas 72 e á final chegaron a Deputación de Pontevedra, Palma de Mallorca e Valladolid, sendo a cinta da institución provincial a gañadora.

O audiovisual Sigue o teu instinto acada en FITUR o primeiro premio á mellor promoción dun producto turístico do mundo

Con este recoñecemento ‘Sigue o teu instinto’ xa suma 4 premios internacionais, o acadado na categoría de Ecoturismo nos Golden City Gate de Berlín, onde competía con 122 películas de 23 países, e outros dous galardóns que xa foron comunicados pero que aínda non se poden facer públicos ao non seren anunciados. O director do Comité Internacional de Festivais Audiovisuais Turísticos (CIFFT), Alexander V. Kammel, “achegouse ao persoal da Deputación que aínda está en FITUR, a deputada de Turismo e a xefa do servizo, para comunicarlles que os vídeos desta administración están namorando a todo o mundo”, sinalou Carmela Silva.

Moito que celebrar no paso da Deputación por FITUR

O premio a ‘Sigue o teu instinto’ non foi o único motivo de alegría do paso da Deputación de Pontevedra por FITUR. Na feira, a institución recolleu na gala celebrada na Galería de Cristal do Palacio de Cibeles as 11 Q de Calidade ás oficinas de atención turística adheridas á rede Info Rías Baixas, as 3 propias da Deputación (Palacete das Mendoza, Aeroporto de Vigo e Armenteira en Meis) e nas dos concellos da Illa, A Estrada, Cangas, Nigrán, Sanxenxo, Baiona, Caldas e Poio. Ademais, Pontevedra Provincia consolidouse como o primeiro destino en SICTED de España en número de establecementos distinguidos, e non só iso, senón que a traballadora de Turismo Rías Baixas Elina González acadou un dos Premios SICTED como a segunda mellor xestora deste distintivo de calidade en todo o Estado español.

- Publicidade -spot_img