Inicio Val Miñor Baiona O alumnado do C.P.I. Covaterreña de Baiona mostra o seu rexeitamento á...

O alumnado do C.P.I. Covaterreña de Baiona mostra o seu rexeitamento á violencia de xénero cunha exposición na praza de abastos da vila

o-alumnado-do-c-p-i-covaterrena-de-baiona-mostra-o-seu-rexeitamento-a-violencia-de-xenero-cunha-exposicion-na-praza-de-abastos-da-vila

O Concello de Baiona e o C.P.I. Covaterreña colaboraron conxuntamente para mostrar á sociedade baionesa o seu rexeitamento á violencia de xénero cunha exposición de carteis realizada polo alumnado do centro educativo. Os traballos están expostos na praza de abastos da vila e poderanse visitar desde hoxe ata o próximo día 3 de decembro en horario de 9:00 a 15:00h.

Esta mañá ás 13:00h o alcalde de Baiona, Ángel Rodal, acompañado pola concelleira de Igualdade, Mª Carmen Paredes, a directora do C.P.I. Covaterreña, e outros concelleiros da corporación, inauguraron a mostra que o alumnado realizou nas clases de educación plástica. Os estudantes quixeron cos seus debuxos achegar o seu granito de area na loita contra a violencia de xénero e mostrar así o seu rexeitamento.

o-alumnado-do-c-p-i-covaterrena-de-baiona-mostra-o-seu-rexeitamento-a-violencia-de-xenero-cunha-exposicion-na-praza-de-abastos-da-vila

A concelleira de Igualdade, Mª Carmen Paredes, durante o acto leu un manifesto de rexeitamento á violencia de xénero:

“A mocidade constitúe un grupo especialmente vulnerable á violencia de xénero, polo que é necesario que a mocidade identifiquen e rexeiten condutas sexistas que ás veces, toléranse ou xustifican.

A mocidade e a poboación adolescente deben contribuír de maneira singular ao fin da violencia contra a muller, e vemos con preocupación, como perciben a violencia de xénero, porque algunhas das súas relacións afectivas e sociais teñen comportamentos discriminatorios e inadmisibles, verdadeiros sinais incipientes de violencia que anticipan outras manifestacións máis graves de malos tratos. Polo que teñen que ser capaces de recoñecer esas condutas nocivas para poder frealas, e deste xeito evitar que se agraven e supoñan un maior risco de violencia de xénero no futuro.

Querer evitar a violencia de xénero debemos evitar os pasos que se inician baixo as referencias dunha cultura machista. Por tanto, para erradicar calquera forma de violencia, a solución reside na educación. O respecto, a liberdade e a igualdade son tres dos alicerces básicos.

É necesario seguir traballando na prevención e na sensibilización e visibilizar un problema de profundo calado social.

Por todo iso resulta imprescindible que a mocidade de hoxe en día, protagonista da sociedade do mañá, comprenda, coñeza e identifique a violencia de xénero, recoñeza os primeiros sinais dos malos tratos e, a continuación, convértase en protagonista do logro dunha sociedade libre de violencia contra a muller: apoiando a quen a sofre, rexeitando actitudes e estereotipos que a promovan ou xustifiquen e actuando nas súas relación interpersoais, desde o convencemento de que a igualdade entre mulleres e homes e o respecto pola dignidade do outro son imprescindibles e útiles para a súa convivencia pacífica en sociedade.

Traballemos todos e todas xuntos e avancemos unidos para conseguir unha sociedade 0 % machista.”

Antes da inauguración o alumnado recibiu unha conferencia impartida por Pilar Díaz Burgos, Técnica da Secretaría Xeral de Igualdade, que desempeña o seu traballo no Centro de Recuperación de Vítimas. A conferenciante ensinou aos estudantes de entre 12 e 16 anos a detectar os sinais da violencia de xénero e ha comprender porqué as vítimas non poden saír da violencia.

alumnado-do-c-p-i-covaterrena-de-baiona-mostra-o-seu-rexeitamento-a-violencia-de-xenero-cunha-exposicion-na-praza-de-abastos-da-vila

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies