American Pilgrims será o primeira Asociación de amigos do Camiño que prestará servizos de hospitaleiros durante a primeira quincena do mes de maio no albergue público de Ribadiso, no Camiño Francés, dentro do programa de hospitaleiros voluntarios posto en marcha de forma experimental por Turismo de Galicia para mellorar a calidade da acollida aos peregrinos nos albergues da Xunta.
Grazas ao acordo establecido entre Turismo de Galicia e American Pilgrims os hospitaleiros voluntarios estarán presentes neste emblemático albergue do Camiño francés entre o 1 de maio e o 15 de outubro e contarase coa participación de 17 hospitaleiros norteamericanos.
En datas vindeiras outros albergues, en colaboración con outras asociacións de amigos do Camiño de Santiago, iniciarán tamén este programa pioneiro de hospitalidade nos albergues de peregrinos da Rede pública de Galicia.
O obxectivo é facer máis doada a acollida aos peregrinos na rede de albergues públicos de Galicia, conformada por 70 establecementos con mais de 3.000 prazas de aloxamento.
Estes voluntarios non realizarán funcións de mantemento do albergue senón especialmente de acollida, compartindo a súa experiencia e participan nas inquietudes dos demais peregrinos.
