Inicio Pontevedra No aire, os investimentos previstos en Vigo por Zona Franca para 2017

No aire, os investimentos previstos en Vigo por Zona Franca para 2017

pedrosa-copiar

O comité executivo do Consorcio de Zona Franca aprobou onte as súas contas para 2017, quedando pendentes dun Pleno que as ratifique. A proposta aprobouse con seis votos a favor e dous en contra, os dos representantes do Concello de Vigo.

Na posterior rolda de prensa, a delegada do Consorcio de Zona Franca, Teresa Pedrosa, expresou a súa sorpresa de maneira reiterada, ante a posición dos dous edís que votaron en contra, tendo en conta que a diferenza do mes de xullo (en que os votos en contra, foron abstencións) a “única incorporación de hoxe é a Panificadora”, para a que o Consorcio previu unha partida de 4 millóns de euros.

Pedrosa explicou, que estes dous edís rexeitaron as contas e pediron que se retirase “todo o da ETEA e o Plan do Transporte”, o que sorprendeu á Delegada do Consorcio, pois nesta ocasión e a petición do alcalde de Vigo recóllense dous das súas principais demandas, como é a participación da Zona Franca na rehabilitación do edificio da Panificadora e o cambio na data do investimento na ampliación do Polígono de Balaidos, que pasaría a estar incluído tamén no 2017, un ano antes do previsto.

A Delegada expresou que sempre a tido vontade de chegar a acordos e negociar estes orzamentos,”levo 133 días esperando”. Despois do Pleno de agosto ” remitín escritos reiterados, expresando a miña disposición para resolver os diferentes temas”. “Sorpréndeme e creo que hai unha vontade manifesta por parte do Concello de Vigo de que o Estado a través Consorcio, non invista na cidade”.

As partidas para a Panificadora e a variación respecto da de Balaídos, fai que o investimento do Consorcio de Zona Franca en 2017 chegue case aos 50 millóns millóns. Pero con este novo orzamento Pedrosa destacou que estos 49.980.000 euros de investimento, “o 100 % achégao o Estado”, e que salvo a partida reservada para a Cidade do Transporte e as dúas pequenas partidas en Porto do Molle e para o Porto Seco , “o resto será destinará ao municipio de Vigo”.

Agora todo queda pendente de que se convoque o pleno para ratificar os orzamentos, pois si non hai pleno, Zona Franca non terá orzamentos para o próximo ano.

Finalmente e a preguntas sobre o Parque Empresarial e Viveiro de Empresas de Porto do Molle e Baiona. A Delegada destacou que no caso do polígono, recentemente “aprobamos 9 parcelas de ampliación para unha empresa” e en canto á ocupación do viveiro, é case absoluta, quedando apenas, dous ocos, e no que se refire á “Casa do Reloxo” de Baiona, todavia hai prazas dispoñibles na parte Coworking (40 euros) e oficinas de 20 mts.(70 euros)

 

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies