Ao proxecto de “Acondicionamento integral nas marxes do Río Muiños”, que dotará ao termo municipal dunha nova senda peonil cunha lonxitude aproximada de 9 quilómetros y que fué presentado a semana pasada súmase que a Consellería de Medio Ambiente publicaba no Diario Oficial de Galicia (DOG) a declaración provisional do Espazo Natural de Interese Local (ENIL) do Ecosistema Dunar da praia América-Panxón no Concello de Nigrán.
A Consellería declara provisionalmente este espazo como ENIL polo prazo de dous anos. Neste tempo, o Concello deberá presentar un plan de conservación do lugar e, unha vez aprobado, este lugar sería declarado de xeito definitivo.
As singulares características e beleza desta formación dunar, xunto ás especiais condicións das praias de Panxón e América, máis as zonas do bosque lindante; convértena nunha das zonas de maior interese recreativo do litoral.
Ademais é un dos espazos naturais de maior afluencia de público na época estival, ao cal tamén contribúe a súa proximidade ao núcleo urbano de Vigo e as boas comunicacións con outras provincias da comunidade e españolas.
