Esta mañá, o Auditorio do Concello de Nigrán acolleu a presentación dun proxecto co que se quere poñer en valor e promocionar o espazo que forman as Illas Estelas, Monteferro e Panxón. O acto contou coa presenza do alcalde de Nigrán, Juan Gonzalez, Borja Brun, cineasta e realizador do documental e membros da empresa -Estela, Arqueoloxía e Patrimonio-
As illas Estelas e o entorno de Monteferro e Panxón como parte fundamental da “marca” Nigrán. Este é o obxectivo co que o Concello inaugura o venres e sábado unhas xornadas abertas ao público con ponencias de expertos en diferentes eidos e nas que se estrenará o documental “Stelas, as illas próximas” ademáis do traballo fotográfico na zona do Colectivo Latente. Trátase dun proxecto financiado con 4.200 euros pola Deputación de Pontevedra a través do Plan Concellos 2016 e contratado a empresa “Estela, Arqueoloxía e Patrimonio”.
O arquipélago, situado fronte a costa de Monteferro, forma parte da Rede Natura 2000 polo seu gran interese natural, científico e paisaxístico, sendo un punto de aniñamento de aves con gran riqueza subacuática. “As Estelas son as grandes esquecidas e por iso dende o goberno levamos todo o ano 2016 traballando para por en valor este triángulo máxico que forma parte de Nigrán (Monteferro-Estelas-Panxón). O obxectivo é que sexa un reclamo e referente máis do municipio. É un enclave privilexiado que ningún goberno aproveitou. Nós trasladaremos todo este traballo a eventos como Fitur e organizaremos moitos máis roteiros e actividades relacionadas de cara ao verán”, explica o alcalde, Juan González.
O punto de partida será unha xornada este venres que culminará o sábado cunha andaina interpretativa. Os asistentes poderán ver en primicia o documental “Stelas, as illas próximas” ou imaxes da zona tomadas por Colectivo Latente.
As xornadas, que arrancan o venres ás 18.00 horas, serán inauguradas polo rexedor para continuar coa proxección do traballo fotográfico tomado na zona polo “Colectivo Latente” (un grupo de 11 recoñecidos artistas afincados na comarca que plasman nas súas imáxes unha visión persoal da contorna). Posteriormente terá lugar a interveción do xornalista náutico Juan Caballero; o técnico de conservación do Parque Nacional Illas Atlánticas Vicente Piorno; o arqueólogo José Carlos Sánchez Pardo e finalmente Gustavo Adolfo Garrido, do Instituto Pro-Patrimonio Galego. Todos eles aportarán a súa visión técnica sobre os recursos desta zona.
O broche final a esta xornada do venres a porá o estreno do documental “Stelas, as illas próximas”, realizado polo cineasta galego Borja Brun e que condensa en 10 minutos de filme a beleza do entorno das Estelas-Monteferro-Panxón mediante imaxes aéreas, terrestres e subacuáticas. Un traballo que se moverá nas redes sociais e se levará a Fitur o vindeiro ano. “É unha visión artística do autor que non fai máis que reflectir a espectacularidade deste espazo”, sintetiza González.
As xornadas continuarán o sábado 19 na súa vertente práctica. Así, realizarase unha andaina interpretativa por este triángulo máxico para todo aquel que esté interesado en coñecer o lugar. O punto de encontro será ás 11.00 horas no arco visigótico de Panxón e durante aproximadamente 2 horas percorrerase os diferentes puntos de Monteferro. O roteiro é de dificultade media-baixa, axeitado para todo tipo de público. É preciso levar roupa e zapato axeitado.
O Concello programará máis actividades interpretativas na zona de cara á primavera-verán, tanto terrestres como marítimas, ampliando así o traballo iniciado o ano pasado xunto ao Instituto de Estudos Miñoranos, cando se iniciaron as xeiras en barco pola bahía.
“Ímonos volcar neste espazo para promocionalo e o vindeiro ano continuaremos co Esteiro da Foz co obxectivo de que sexa declarado espazo Ramsar”, finaliza González.
